दाङमा एक किलो सुन सहित तिन जना पक्राउ

दाङ — दाङमा एक किलो सुनसहित प्रहरीले तिन जनालाई जना पक्राउ गरेको छ । दाङको लमही नगरपालिका वडा नम्बर ९ अमिलिया बाट क्रेटा कार सहित उनीहरुलाई पक्राउ गरेको हो ।

पक्राउ पर्नेमा चालक जिल्ला दाङ घोराही उप-महानगरपालिका वडा नं.१५ वस्ने जिवन कुमार श्रेष्ठको छोरा वर्ष २५ को सुवाश श्रेष्ठले घोराही उपमहानगरपालिका वडा नं.१४ वस्ने ईन्द्र प्रसाद श्रेष्ठको छोरा वर्ष ४२ को सम्मान कुमार श्रेष्ठ र सोही गाडीमा सवार अपुर्ब थैब श्रेष्ठ रहेका छ्न ।

जुत्ताको तलुवामा इमिरेट्स गोल्ड पाँच सय ग्राम लेखेको एक थान र बायाँ खुट्टामा इस्तानबुल गोल्ड रिफाइनेरी मेल्टर एण्ड अस्सएर पाँच सय ग्राम लेखेको एक थान गरी दुई थान लुकाई छिपाई राखेको अवैध पहेंलो सुन जस्तो देखिने चारपाटे धातु बरामद गरी तत्काल डिजिटल मेशिनमा राखी तौल गर्दा एक हजार ग्राम रहेको तथा निज सम्मान कुमार श्रेष्ठको साथ बाट बरामद भएको सुन जस्तो देखिने सुनको सिक्री एक थानसहित एक किलो र प्रहरीले नगद साठ्ठी हजार रुपैयाँ नगद पनि बरामद गरेको छ ।

सोही गाडीमा सवार अपुर्व थैव श्रेष्ठको साथबाट बरामद भएको चाँदीको सिक्री एक थान र एघार सय बिस रुपैयाँ नगद बरामद भएको भने सोही गाडीका चालक सुवाश श्रेष्ठको साथबाट बाह्र हजार दुई सय पचास रुपैयाँ बरामद सहित उनिहरुलाई पक्राउ गरिएको थियो ।

पक्राउ परेका तिनै जना अहिले जिल्ला प्रहरी कार्यालय दाङको नियन्त्रणमा रहेको र अनुसन्धान भईरहेको दाङका प्रहरी प्रवक्ता तथा डीएसपी सुमित खड्काले जानकारी दिए ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै