Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारराजधानी घर अघि आउँदा देउखुरीबासी हर्षित

राजधानी घर अघि आउँदा देउखुरीबासी हर्षित


दाङ — प्रदेश नम्बर ५ को नामाकरण लुम्बिनी प्रदेश र राजधानी दाङको भालुबाङ तोकिए पछि देउखुरी बासी हर्षित भएका छन । यसैको खुशीयालिमा देउखुरीका विभिन्न स्थानमा दिप प्रज्वलन गरिएको छ ।

देउखुरीका मुख्य बजार लमही, गढवा, सिसहनिया, भालुबाङ लगायतका बजारको चोकमा लुम्बिनी प्रदेशको नक्सा बनाउदै देउखुरीबासीले खुशी ब्यक्त गरेका छन । त्यस्तै राजपुरको जङ्रहवा, बेला, लमहीको रिहार, अमिलिया लगायतका स्थानमा स्थानीयले दिप प्रज्वलन गरेका हुन ।

लमहीको गोलघर अघि गरिएको दिप प्रज्वलन कार्यक्रमलाई सम्बोधन गर्दै प्रदेश सरकारलाई आवश्यक पर्ने भौतिक संरचना उपलब्ध गराउन लमही नगरपालिका तयार भएको लमही नगरपालिकाका प्रमुख कुल बहादुर केसीले बताए । लामो प्रतीक्षा पछि प्रदेश सरकारले न्यायोचित गरेको भन्दै अब देउखुरीबासीमा जिम्मेवारी थपिएको केसीको भनाई छ ।नेपाली काङ्रेसले पनि लमहीको गोलघर अगाडी दिप प्रज्वलन गरेर प्रदेश सरकारले गरेको निर्णयलाई स्वागत गरेको छ ।

त्यस्तै राजपुर गाउँपालिकाले पनि राजपुरको जङ्रहवामा दिप प्रज्वलन गरेको छ । उक्त दिप प्रज्वलन कार्यक्रममा बोल्दै उपाध्यक्ष धनपती यादवले प्रदेश भित्रका बाह्र जिल्लालाई पायक पर्ने स्थानमा राजधानी बनाएको भन्दै खुशी ब्यक्त गरिन ।


क्याटेगोरी : समाचार


तपाईको प्रतिक्रिया दिनुहोस