अभियानलाई गाउँ केन्द्रित गराउदै युवा मंच

प्रिया स्मृती गजमेर असोज १३, २०७७ गते २२:५४ मा प्रकाशित

दाङ — विपी कोईराला युवा नेतृत्व विकास मंचले विद्यालयलाई चार दर्जन हात धुने साबुन र पांच सय पचास थान मेडिकल मास्क दिएको छ । क्षेत्रीय संयोजक किरण बिक्रम शाहले लमही नगरपालिका वडा नम्बर ९ स्थित प्राथमिक विद्यालय भ्युसनपुरका विद्यालय व्यवस्थापन समितिका अध्यक्ष पूर्ण प्रकाश विश्वकर्मालाई हस्तान्तरण गरेका हुन ।

अझै पनि बिकट गाउँघर तिर मास्क प्रयोग गर्ने, साबुन पानीले हात धुने, सेनिटाईजर प्रयोग गर्ने नगरेको पाईएको छ जसले गर्दा उनीहरुको स्वास्थ्यमा खेलवाड नहोस भन्ने उदेश्यले अब अभियानलाई ग्रामिण केन्द्रित गर्ने योजना बनाएका छौ संयोजक शाहले भने ।

बजार केन्द्रित विद्यालयहरुमा सबैको पहुँच हुने र ग्रामिण भेगमा कसैको नजर पर्न नसकेको बताउदै संयोजक शाहले नगरका बिकट स्थानमा रहेका विद्यालयलाई मास्क वितरण गर्ने बताए । मंचले हाल सम्म हजारौ स्वास्थ्यका सामाग्री वितरण गरि सकेको शाहले जानकारी दिए । व्यक्ति देखि लिएर बिभिन्न सामाजिक संघ सँस्थाको कार्यालयमै पुगेर ति सामाग्री दिंदै आईएको छ ।

यस अघि मंचले देउखुरीका सबै स्थानिय तहमा पुगेर मास्क बैंक अभियानकै रुपमा संचालन गरिसकेको छ । सामाजिक क्षेत्रमा योगदान पुर्याएका बिभिन्न दाताहरुबाट संकलन गरेका स्वास्थ्य सामाग्री मंचले वितरण गरेको हो । कोरोना माहामारी नेपालमा रहंदा सम्म मंचले यो अभियानलाई निरन्तरता दिने भएको छ ।

क्याटेगोरी : समाचार