संसारकै सबैभन्दा अग्लो भवन बुर्ज खलिफामा नेपालको राष्ट्रिय झण्डा झलमलाउने

युएई — संविधान दिवसको अवसरमा संसारकै सबैभन्दा अग्लो भवन बुर्ज खालिफामा नेपालको राष्ट्रिय झण्डा झलमलाउने भएको छ ।

युएईका लागि नेपाली राजदूतावासको अनुरोधमा युएइ सरकारले गत वर्षझैँ यस वर्ष पनि नेपालको राष्ट्रिय झण्डा झलमलाउन लागेको हो ।

संविधान दिवसको अवसरमा शुभकामना सन्देश जारी गर्दै दूतावासले संसारकै अग्लो भवन बुर्ज खालिफामा नेपालको राष्ट्रिय झण्डा झलमलाउने जानकारी दिएको हो । ‘संविधान दिवस २०७७ को अवसरमा संयुक्त अरब इमिरेट्समा रहनुभएका सम्पूर्ण नेपाली दिदीबहिनी तथा दाजुभाइहरुमा नेपाली राजदूतावास हार्दिक शुभकामना व्यक्त गर्दछ । दूतावासले जारी गरेको शुभकामनामा भनिएको छ ।

यस सुखद अवसरमा भोलि शनिबार साँझ ८ बजे दुबईस्थित संसारकै सबैभन्दा अग्लो भवन “बुर्ज खलिफा” र अबुधाबी स्थित “एडनक विल्डिङ”मा नेपालको राष्ट्रिय झण्डा झलमलाउने कार्यक्रम रहेको समेत जानकारी दिएको छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै