Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारलौहपुरुष सिंहको सम्झनामा विरामीलाई फलफुल

लौहपुरुष सिंहको सम्झनामा विरामीलाई फलफुल


दाङ — नेपाली कांग्रेसका संस्थापक नेता एवं २०४६ सालको जनआन्दोलनका कमाण्डर गणेशमान सिंहको २३ औँ स्मृति दिवसका अवसरमा लमही नगरपालिका वडा नम्बर ४ का वडाध्यक्ष तथा नेपाली कांग्रेसका युवा नेता सुबाश न्यौपाने, नेपाल पशु स्वास्थ्य सेवा प्राबिधिक संघ दाङ्गका अध्यक्ष मोहन केसी, विपी कोइराला युवा नेतृत्व विकास मंच दाङ्ग क्षेत्र नम्बर १ का संयोजक किरण बिक्रम शाह, लमही जेसिजका पुर्ब अध्यक्ष तथा नेपाली कांग्रेसका युवा नेता खेमराज घिमिरे लगायतको टोलीले अस्पतालमा उपचार गराईरहेका विरामीलाई फलफुल वितरण गरेका हुन ।

टोलीले सिंहको सम्झनामा अस्पतालमा विरामी भएर उपचार गराईरहेकाहरुलाई फलफुल वितरण गरेको लमही नगरपालिका वडा नम्बर ४ का वडाध्यक्ष तथा नेपाली कांग्रेसका युवा नेता सुबाश न्यौपाने जानकारी दिए । विरामीलाई फलफुल वितरण गर्दै वडाध्यक्ष तथा नेता न्यौपानेले सिंहको थोरै बिचार अहिलेका नेताहरुले अनुसरण गर्न सके मात्र कांग्रेस साच्चिकै कांग्रेस हुने बताए ।

त्यस्तै नेपाल पशु स्वास्थ्य सेवा प्राबिधिक संघ दाङ्गका अध्यक्ष मोहन केसीले कांग्रेस भित्र झाङ्गिदै गएको गुट उपगुट अन्त्य भयो भने मात्र कांग्रेस बलियो हुने बताए । कांग्रेस भित्र भएका साना तिना मनमुटावलाई त्यागेर एक ढिका हुने हो भने जुन सुकै शक्तिले पनि कांग्रेस नहल्लिने बताए । विपी कोइराला युवा नेतृत्व विकास मंच दाङ्ग क्षेत्र नम्बर १ का संयोजक किरण बिक्रम शाहका अनुशार लौह पुरुष सिंहको योगदानलाई बुझेर आत्मा साथ गर्नु पर्ने र पछिल्लो पुस्ताले सोहि मार्ग पछ्याउदै हिड्नु पर्ने अहिलेको आवश्यकता भएको बताए ।

नेता सिंहको सम्झनामा फलफुल लगेर अस्पताल पुगेको काङ्ग्रेस नेताहरुलाई लमही अस्पतालका तर्फ बाट कमल चौधरी र सिर्जन पौडेलले धन्यवाद दिएका थिए ।


क्याटेगोरी : समाचार
ट्याग : #breaking

तपाईको प्रतिक्रिया दिनुहोस