दाङको तुलसीपुरमा घरेलु मदिरा जफत गरि नष्ट गरियो

दाङ — दाङको तुलसीपुरमा आज १२० लिटर घरेलु मदिरा जफत गरि नष्ट गरिएको छ। तुलसीपुर उपमहानगरपालिका- ७ बसन्तपुरटोल बाट अबैध घरेलु मदिरा तथा मदिरा बनाउन प्रयोग गरिने कच्चापदार्थ बरामद गरि नष्ट गरिएको हो ।

 टोल सुधार अन्तर्गत सुरक्षा समितिको छ्ड्के निरीक्षणमा अस्थाई प्रहरी पोस्टका इन्चार्ज नेत्र नेपाली , वडा न ७ का वडा सदस्य राम बहादुर जिसि र सुरक्षा समितीको विशेष पहलमा खटिएको टोलिले बिहिवार बसन्तापुर टोलको १ घरबाट १२० लिटर घरेलु मदिरा बनाउने कच्चापदार्थ र मदिरा बरामत गरेको हो । बरामद भएको अवैध घरेलु मदिरा र त्यसमा प्रयोग हुने कच्चा पदार्थ र बनाउने सामाग्री बरामद गरी प्रहरी प्रसाशन , वडाका जनप्रतिनिधि , सुरक्षा समिती , स्थानिय, बुद्धिजीवी ,सर्वसाधारण तथा पत्रकारहरुको रोहवरमा नष्ट गरिएको छ।

समुदाय लाई सभ्य र सुरक्षित बनाउन मदिराले खलल पुर्याउने र विभिन्न खाले घटना हुन सक्ने भन्दै अवैध घरेलु मदिरा बरामद गरी नष्ट गरेको वडा सदस्य रामबहादुर जिसिले बताए । मदिरा सेवनकै कारण समाजमा हिंसा, चोरी डकैती, झैझगडा हुने भएकाले त्यस्ता घटनाहरुलाई कम गर्न मदिरा नियन्त्रण गरी नस्ट गरिएको जिसिको भनाई रहेको छ ।

अबदेखी दिनहु जसो अन्य घरहरूमा पनि निगरानि गरीने टाेलका अध्यक्ष उत्तर कुमार खड्का ले जानकारी दिए ।

सम्बन्धित समाचार

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…