Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठग्लोबलगल्फदैनिक ५ हवाई उडानको माग गर्दै यूएईका ४४ सँघ संस्थाहरुद्वारा प्रधानमन्त्रीलाई पत्र

दैनिक ५ हवाई उडानको माग गर्दै यूएईका ४४ सँघ संस्थाहरुद्वारा प्रधानमन्त्रीलाई पत्र


यूएई — कोभिड १९ को महामारी सँगै विभिन्न कारणले युएईमा अलपत्र परेका नेपालिहरुलाई स्वदेश फर्काउन दैनिक ५ हवाई उडानको माग गर्दै यूएईमा कृयाशिल ४४ सँघ संस्थाको तर्फबाट नेपाली समाज यूएईले एक पत्र लेख्दै नेपाली दूतावास मार्फत सम्माननीय प्रधानमन्त्री केपी ओलीलाई पत्र पठाएको छ ।

समाजका अध्यक्ष गोबिन्द ढकाल र महासचिव बेद प्रसाद अर्यालद्वारा हस्ताक्षरित पत्रमा सामान्य अवस्थामा ४ सयको हाराहारीमा उडान हुने मुलुकबाट नियमित उडानको नाममा १८ वटा मात्र उडान हुनु हात्तीको मुखमा जीरा भएको जिकिर गरिएको छ ।

चार लाख भन्दा बढी नेपालीहरु कार्यरत रहेको यूएईमा कोभिड १९ का कारण रोजगार गुमाएका कारण नेपाल फर्कन चाहानेको संख्या ५० हजार भन्दा बढी रहेको बताइएको छ । हाल सम्म १५ हजार भन्दा बढी नेपाल फर्किएको र अझै ३५ हजार नेपालिहरु नेपाल फर्कन नपाएर अलपत्र परेको जनाईएको छ ।

यूएई सरकारले दिएको आम माफीको समयावधि सकिन लागेकोले कम्तिमा मासिक १ सय ५० उडान हुनु पर्ने पत्रमा जिकिर गरिएको छ ।

नेपाली दुताबास अबुधावी मार्फत प्रेषित गरिएको उक्त पत्रमा पर्यटन मन्त्री र श्रम मन्त्रीलाई समेत सम्बोधन गरिएको छ । पत्रमा समाजमा आवद्ध यूएईमा कृयाशिल ४४ वटा संस्था प्रमुखहरुले पनि संयुक्त रुपमा हस्ताक्षर गरेका छन् ।


क्याटेगोरी : समाचार, गल्फ
ट्याग : #breaking

तपाईको प्रतिक्रिया दिनुहोस