साउदीमा शुक्रबार थपिए १ हजार ३८३ कोरोना संक्रमित,२५ सय बढी निको

साउदी अरेबिया — साउदी अरेबियामा कोरोना भाइरस संक्रमित घट्ने क्रमजारी छ । त्यसै क्रममा शुक्रबार १ हजार ३८३ जना नयाँ संक्रमित थपिएका छन् ।साउदीभर उक्त संख्यामा कोरोना नयाँ संक्रमित थपिएको स्वास्थ्य मन्त्रालयका प्रवक्ता डा.मोहम्मद अल अब्दुलीले नियमित पत्रकार सम्मेलनमा जानकारी दिए ।

प्रवक्ता डा.अब्दुलीका अनुसार साउदीमा कोरोना भाइरस कुल संक्रमित दुई लाख ९५ हजार ९०२ पुगेका छन् । कुल तीमध्ये २९ हजार ६०५ जना संक्रमितहरु यहाँको विभिन्न अस्पतालहरुमा उपचार भइरहेकै प्रवक्ता डा.अब्दुलीले बताए ।

त्यसैगरी शुक्रबार साउदीभर कोरोना भाइरसको उपचार गरिरहेका २ हजार ५६६ जना उपचारपछि निको भएको प्रवक्ता डा.अब्दुलीले जानकारी दिए । उनका अनुसार हालसम्म कोरोना भाइरस कुल संक्रमित दुई लाख ६३ हजार ९५९ जना पुगेका छन् ।शुक्रबार यहाँ कोरोना भाइरसको उपचाररत ३५ जनाको मृत्यु भएको प्रवक्ता डा.अब्दुलीले बताए । उनकाअनुसार साउदीमा कोरोनाबाट मृत्यु हुनेको संख्या ३ हजार ३३८ पुगेका छन् ।

आजको अपडेट अनुसार नयाँ संक्रमितभन्दा कोरोना भाइरसको उपचारपछि निको हुने १ हजार १८३ जना बढी छन् । यहाँ दुई हप्ता अघिदेखि कोरोना निको हुनेको संख्यामा वृद्धि आइरहेको प्रवक्ता डा.अब्दुलीको भनाइ छ ।

यहाँ कोरोनाको संकेत देखिएमा स्वास्थ मन्त्रालयको टोल फ्री नम्बर ९३७ मा फोन गर्नसक्ने प्रवक्ता डा. अब्दुलालीले बताए । ‘ We are all responsible ’ भन्ने नारालाई आत्मसात गरी कोभीड-१९ रोकथामका लागि सरकारले गरेका प्रयासलाई सबैले सहयोग गर्न प्रवक्ता डा.अब्दुलालीले आग्रह गरेका छन ।

सम्बन्धित समाचार

एनसेल प्रकरणमा प्रतिक्रियावादीहरुले दुस्प्रचार गरे : प्रधानमन्त्री प्रचण्ड

नेपालमा लगानीको वातावरण बनाउन सरकार प्रतिबद्ध छ : अर्थमन्त्री महत

रूसी सेनामा २०० भन्दा बढी नेपाली भर्ती भएको प्रधानमन्त्रीको भनाइ

कोप–२८ ले आवश्यक ऊर्जा उत्सर्जन कटौतीको केवल ३० प्रतिशत पूरा…