युएई सरकारद्वारा म्याद सकिएका भिजिट भिसाको समयावधि एक महिना विस्तार गर्ने घोषणा

युएई  – युएई सरकारले भिसा सम्बन्धी नयाँ नियम लागू गरेको छ। भिषा सम्बन्धि नयाँ नियम अनुसार मार्च १ पछाडि भिसा अवधि समाप्त भएकाहरुलाई आगामी सेक्टेम्बर १० तारिकसम्म भिसा जरिबाना लाग्ने छैन। उनीहरुले सेप्टेम्बर १० भित्र भिसा स्ट्याटस चेन्ज गरिसक्नुपर्ने वा युएई छाड्नुपर्ने छ।

एक महिना ग्रेस पिरीयड थप गरिएको युएईको फेडेरल अथोरटी फोर आइडेन्टिटी एण्ड सिटिजनसिपलाई उदृत गर्दै स्थानीय संचार माध्यम खालिज टाईम्सले समाचार छापेको छ। तर मार्च १ अघि भिजिट भिसाको म्याद सकिएकाहरुमा भने यो लागू नहुने स्पष्ट पारेको छ।

युएईस्थित नेपाली दूतावासले युएई सरकारलाई भिसा अवधि सकिएका आफ्ना नागरिकहरुको जरिवाना मिनाहाका लागि अनुरोध गरेको थियो। युएई सरकारको नयाँ नियमले युएईमा रहेका नेपालीहरुलाई केही राहत प्रदान गरेको छ ।

युएईमा समस्यामा परि घर फर्कन चाहने नेपालीहरुको दुतावासले सार्वजनिक गरेको नामावलीको हाल सम्म ३० प्रतिशत नेपाली स्वदेश फर्किसकेका छन भने दुतावासको पछिल्लो तथ्याङ्क अनुसार घर फर्कन चाहानेको संख्या चालीस हजार नाघिसकेको छ ।

क्याटेगोरी : समाचार, गल्फ
ट्याग : #breaking

सम्बन्धित समाचार

जनता र प्रधानमन्त्रीकोे लागि संबिधान फरक फरक छ र ?-…

दश वर्ष मलेसिया बसेका सितल लोकल कुखुरा पाल्दै

औषधि व्यवसायी संघद्वारा राहत बितरण

४५ औं राष्ट्रिय मेलमिलाप दिवसको अवसरमा रक्तदान कार्यक्रम सम्पन्न