बाल्टिमोरमा ठूलो ग्यास(वायुरूप)बिस्फोटन : १ महिलाको मृत्यु र अन्य घाइते

मेरिल्याण्ड – मेरिल्याण्ड राज्यको बाल्टिमोरमा ठूलो ग्यास(वायुरूप)बिस्फोटन हुँदा १ महिलाको मृत्यु भएको छ भने अन्य घाइते भएका छन । बाल्टिमोरको उत्तरपश्चिममा बिस्फोटन हुँदा अन्य केही मानिसहरु फसेको बाल्टिमोर सन पत्रिकाले उल्लेख गरेको छ ।

बाल्टिमोर उत्तरपश्चिम को राइस्टरटाउन स्टेसनका ३ वटा घरहरु भत्किनु को साथै चिरा परेका छन । उक्त बिस्फोटनमा परि एक जना फसेका र कम्तिमा ३ जना घाइते भएका छन ।

उक्त बिस्फोटन सोमबार बिहान १० बजे अगाडी राइस्टरटाउन तथा लाबीरिन्थ सडकमा भएको हो । के भएर उक्त बिस्फोटन भएको हो त्यो अझ पनि पत्ता लागेको छैन ।उद्धार टोलीले एक महिलालाई ढुंगाका टुक्रामा पुरिएको ठाउँबाट अहिले दिउसो निकालेका छन् । उद्धार टोलीले अरुको व्यापक खोज गरि रहेको छ ।बाल्टिमोरका अग्नि नियन्त्रक प्रमुख नाइल्स फोर्डले भने, “यो अत्यन्त भयावह स्थिति हो।”

उक्त बिस्फोटन भएको स्थानमा कम्तिमा पनि २ सय जना उद्धार टोली सदस्यहरु तैनाथ रहेका छन्। बाल्टिमोर ग्यास तथा बिद्युत प्राधिकरणका प्रवक्ताले बिहान ९: ५४ मा सहयोगको लागि अनुरोध गरिएको बताए ।‘म केवल मेरा प्रार्थनाहरू प्रस्तुत गर्न चाहन्छु कि सबै सुरक्षित हुन् ‘ नगर प्रमुख ज्याक योङ्गले भने। “हामीलाई बाल्टिमोरले गर्नुपर्ने कुरा भनेको प्रार्थना हो,” परिषदका अध्यक्ष ब्रान्डन स्कटले थपे।

मेरील्याण्डका गभर्नर ल्यारी होगनले सामाजिक संजाल ट्वीटरका माध्यमबाट भनेका छन्, “हामी आज बिहानको डरलाग्दो विस्फोटनपछि उत्तर-पश्चिमी बाल्टिमोरको अवस्थालाई राम्ररी निगरानी गरिरहेका छौं।

पुन: प्राप्ति प्रयासहरूको लागि पूर्ण समर्थन प्रदान गर्न अघि बढेका छौं, र यस घटनामा पहिलो उत्तरदाताप्रति गहिरो आभारी छौं ,होगनले भने । – एनबिसी वाशिंगटन 

क्याटेगोरी : ग्लोबल, समाचार
ट्याग : #breaking

सम्बन्धित समाचार

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

ठकुरी सहयोग सञ्जालको वनभोज आज गोकणेश्वरमा हुँदै, अधिकांश शाखाहरूबाट सहभागीता…

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै