तुलसीपुर – सल्यान सडकख़ण्डमा ट्रक दुर्घटना हुँदा चार जना घाइते

दाङ – राप्ती राजमार्गमा शनिबार बिहान ट्रक दुर्घटना हुँदा चार जना गम्भीर घाइते भएका छन्।

दुर्घटनामा ट्रकका चालक तुलसीपुर उपमहानगरपालिका वडा नम्बर ७ का ३१ वर्षीय गणेश विक, सोही ठाउँका ३२ वर्षीय ईश्वर चन्द, ४० वर्षीय नातिराम चौधरी र ट्रकका सहचालक सल्यान जिल्ला बागचौर नगरपालिकाका २१ वर्षीय रोशण सुनार घाइते भएका हुन्।

घाइतेमध्ये चन्द र सुनारको अवस्था गम्भीर रहेको इलाका प्रहरी कार्यालय तुलसीपुरका प्रमुख डिएसपी शिवबहादुर सिंहले जानकारी दिए।

चालक विक र चौधरीको अवस्था मध्यम रहेको सिंहले बताए। घाइतेको तुलसीपुरस्थित राप्ती प्रादेशिक अस्पतालमा प्राथमिक उपचारपछि थप उपचारका लागि बाँकेको कोहलपुर मेडिकल कलेजमा रेफर गरिएको छ।

तुलसीपुरदेखि सल्यान खाद्यान्न बोकेर जाँदै गरेको लु १ ख ४३६६ नम्बरको ट्रक तुलसीपुर वडा नम्बर ४ साततलेस्थित खोलाको पुलबाट खसेको छ।

ट्रकमा चालक र सहचालकसहित चार जना थिए।

सम्बन्धित समाचार

एक सय आधारभूत अस्पताल निर्माण गर्ने सरकारको लक्ष्य

पशुपतिमा बालाचर्तुदशीको तयारी पूरा

आजको मौसम : तराइमा हुस्सु तथा हिमाली क्षेत्रमा हिमपात हुने

परराष्ट्रमन्त्री साउदलाई रास्वपाको ध्यानाकर्षणपत्र