यूएईको आवासीय भिसा र परिचय पत्रको विषयमा नयाँ नियम लागू

यूएई – संयुक्त अरब इमिरेट्सले १२ जुलाई देखि लागू हुनेगरी भिषा र परिचय पत्र सम्बन्धी नयाँ नियम लागू गरेको छ ।मन्त्रिपरिषदको निर्णय अनुसार म्याद समाप्त भइसकेका आवासीय भिसा र आइडी कार्डको नकीकरणको लागि आवेदन दिन सक्ने छन ।

कोरोनाभाइरसको संक्रमण फैलिनबाट रोक्न गरिएको कडाइ खुकुलो पारेसँगै प्रवेशाज्ञाको नियममा पनि महत्वपूर्ण निर्णय गरेको स्थानीय संचार माध्यम गल्फ न्युजले जनाएको छ । शुक्रबार फेडेरल अथोरिटी फर आइडेन्टिटी एण्ड सिटिजनशिप (आइसीए) को यो निर्णयले यूएई सामान्य दिनमा फर्किन लागेको देखाउने बताएको छ । आइसीएले भनेको छ ‘कैयौं क्षेत्रमा कारोबार र कामलाई सामान्य दिनको जस्तै ट्रयाकमा ल्याउने कोसिस भइरहेको छ ।’

यस् अघि ३१ डिसेम्बर २०२० सम्मको लागि सबै किसिमका भिसाको (रेसिडेन्स, भिजिट, टुरिस्ट) भिसा अवधी बढाउने भनिएको नियमलाई खारेज गरेको छ ।अव मार्च र अप्रिल महिनामा भिसा अवधी सकिएकाहरुले १ महिनाको अवधीमा नयाँ भिसा लगाईसक्नु पर्ने छ । यसैगरि मे महिनामा भिसा अवधी सकिएकाहरुले अगस्ट ११ तारिक बाट एक महिना भित्र नयाँ भिसा लगाउनु पर्ने छ ।

जुन १ तारिक देखि जुलाई ११ सम्ममा भिसा अवधी सकिएकाहरुले सेप्टेम्बर १० बाट एक महिना भित्र नयाँ भिसा लगाउनु पर्ने छ । जुलाई ११ भन्दा पछी भिसा अवधी सकिनेहरुले पहिले कै नियमानुसार नयाँ भिसा लगाउनु पर्ने छ ।

देश बाहिर भएकाहरुको हकमा भने दुई देश बिचको हावाई यतायात सुचारु भएको एक महिना अवधीलाई ग्रेस पिरिअड दिएको छ । कमर्सियल फ्लाईट खुलेको १ महिना भित्रमा यूएई आएर नयाँ भिसा लगाईसक्नु पर्नेछ ।

यो नयाँ नियमले यूएईमा कार्यरत नेपाली कामदारहरुका लागि निकै लाभदायी हुने विश्वास लिएको छ । ।

सम्बन्धित समाचार

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…