कपिलबस्तुकी एक महिला छिमेकीको घरमा मृत फेला

बुटवल  –  कपिलवस्तुमा एक महिला मृत भेटिएकी छन्।

जिल्लाको बाणगंगा नगरपालिका वडा नं. १ जितपुर बस्ने २९ वर्षीया दुर्गा सापकोटा छिमेकीको घरमा मृत भेटिएको प्रहरीले जनाएको छ।इलाका प्रहरी कार्यालय पिपराका अनुसार मृत भेटिएकी दुर्गा स्थानीय लेखनाथ सापकोटाकी श्रीमती हुन्।

उनी घरदेखि ५ सय मिटर उत्तरतर्फ रहेको तामलाल घिमिरेको घरकोे भुइँतलामा मृत अवस्थामा भेटिएकी हुन्। प्रहरीले उक्त घटनाको अनुसन्धान शुरु गरेको जनाएको छ।

तिनाउ नदीमा बेपत्ता एक वृद्धको शव फेला
मंगलबार रुपन्देहीको बुटवलस्थित तिनाउ खोलामा डुबेर वेपत्ता भएका एक वृद्धको शव बुधबार दिउँसो फेला परेको छ।

प्रहरीले गुल्मी मदाने गाउँपालिका वडा न. ४ स्थायी घर भई हाल बुटवल उप महानगरपालिका वडा न. ११ देवीनगर बस्ने ८१ वर्षीय निमबहादुर सेनलाई बुटवल १७ रानीगञ्जस्थित तिनाउ खोलाको बीचमा घोप्टो परेको अवस्थामा मृत फेला पारेको हो।

घटना पछि खोजी गर्दै जाँदा वडा प्रहरी कार्यालय बुटवल र प्रहरी बिट देवीनगरको टोलीले बुधवार दिउँसो साढे १२ बजेतिर सेनको शव फेला पारेको जिल्ला प्रहरी कार्यालय रुपन्देहीका प्रवक्ता प्रहरी नायब उपरिक्षक खड्कबहादुर खत्रीले जानकारी दिए।

सम्बन्धित समाचार

ललितपुरमा डोरीले घाँटी कसेर श्रीमतीको हत्या गरेको आरोपमा श्रीमान पक्राउ

श्रीलंकालाई ६-० अन्तरले पराजित गर्दै नेपाल सेमिफाइनलमा

१५ वर्षीया किशोरीलाई बलात्कार गरेको आरोपमा प्रहरीले सेनाका अमल्दार पक्राउ

डेंगुको प्रकोपबाट बच्न स्वास्थ्य मन्त्रालयले दियो स्वास्थ्य टिप्स