युएईको अबुधाबीले एक हप्ताको लागि यात्रा प्रतिबन्ध बढायो

युएई – युएईको अबुधाबी राज्यले लगाउदै आएको यात्रा प्रतिबन्ध आज मंगलवार बाट लागुहुनेगरी थप एक हप्ताको लागि बढाएको छ । अबुधाबी मिडिया अफिसले सोमबार साँझ टुविट गर्दै सो जानकारी दिएको हो ।

कोभिड १९ लाई रोक्न लक्षित सम्पर्कलाई कम गर्न, सावधानी अपनाउने उपायहरूको श्रृंखला मध्ये विस्तारित राष्ट्रिय स्क्रीनिंग कार्यक्रमको प्रभावकारिता बृद्धि गर्नु साथै समुदायको सबै सदस्यहरूको स्वास्थ्य र सुरक्षालाई सुरक्षित राख्न यात्रा प्रतिबन्ध बढाईएको स्थानिय संचार माध्यम दि नेशनल ले उल्लेख गरेको छ ।

उक्त अवधिमा विशेष छुट भएका व्यक्तिहरू बाहेक अन्यले अबूधाबी शहर, अल ऐन र अल धफराका बासिन्दाहरूले आफ्नो शहरहरू भित्र यात्रा गर्न कुनै प्रतिबन्ध नभएपनी आफ्नो शहर भन्दा बाहिर जान भने रोक लगाएको छ । यसैगरी राष्ट्रिय स्क्रीनिंग कार्यक्रमलाई भने रातको १० बजे देखि ६ बजे सम्मको समयमा निरन्तरता दिदै आएको छ ।

सम्बन्धित समाचार

एन आर एन ए दक्षिण कोरियाको ८ औँ कार्यसमिति चयन,…

ए ससुरा बा ! मलाई देवर मन पर्‍यो

एनआरएनए मध्यपूर्व उपसंयोजकमा युएईबाट बालकृष्ण मरासिनीको उम्मेदवारी

पार्टी, देश र आफैलाई उचाइमा पुर्‍याउने देउवाको अन्तिम अवसर