दार्मा गाउँपालिकाले गर्‍यो सम्पुर्ण कर्मचारीको कोराना विमा

सल्यान – सल्यानको दार्मा गाउँपालिकाले कोरोना भाइरस विरुद्ध खटिने कर्मचारी, स्वास्थ्यकर्मी र जनप्रतिनिधिहरु गरी गाउँपालिका भित्रका १ सय ३२ जनाको कोरोना विमा गरेको छ । कोभिड १९ को संक्रमण नियन्त्रण गर्न, उद्दार तथा व्यवस्थापनमा लाग्ने सबैको विमा गरिएको गाउँपालिकाले जनाएको छ ।

विमा बापत प्रति व्यक्ति रु.६ सयका दरले रकम लिइ जारी गरिएको उक्त बीमामा ,बीमा जारी गरिएको १५ दिनपछी पीसिआर रिर्पोट दुई पटक पोजेटिभ देखिएमा प्रति व्यक्ति रु.एक लाखसम्म रकम उपलब्ध गराइने नेको इन्सुरेन्स  लि., सल्यान शाखा प्रमुख नारायण दाहालले जानकारी दिए । तीन महिनादेखि  ९९ बर्ष सम्मका जेष्ठ नागरिकले  गर्न सकिने उक्त कोरोना बीमामा, बीमाको समय अवधी भने एक बर्ष वर्षको हुनेछ ।

दार्मा गाउँपालिका जिल्लामा कोरोना विमा गराउने पहिलो स्थानीय तह बनेको छ । गाउँपालिका भित्रका १ सय ३२ जनाको विमा गरेको गाउँपालिका अध्यक्ष निम बहादुर केसीले बताए । यस्तै छत्रेश्वरी गाउँपालिकाले २९ जनाको गरेको छ भने शारदा नगरपालिकाले पनि विमा गराउने घोषणा गरी सकेको छ  ।

नेको इन्सुरेन्स  लि.,को सल्यान शाखा बाट हालसम्म ४ सय ८४ जनाको कोरोना विमा गरिएको शाखा प्रमुख दाहालको भनाई छ ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै