दुबईमा बुधबारदेखि जिम, सिनेमाघर र व्यवसायहरू पुनः संचालनमा आउदै

दुबई – यूएईको दुबईमा लकडाउनलाई खुकुलो बनाउदै २७ मे बुधबार देखि लागु हुने गरि आर्थिक गतिविधि सुरु गर्ने घोषणा गरेसँगै जिम, सिनेमाघर लगाएतका व्यवसायहरू संचालनमा आउने भएको छ ।

यो सँगै दुबईमा जारी कर्फ्युलाई घटाएर राति ११ बजे देखि बिहान ६ बजेसम्म मात्रै गर्ने भएको छ । यसअघि साँझ ८ बजे देखि बिहान ६ बजेसम्म कर्फ्यु लगाइएको थियो । बुधवारबाट बिहान ६ बजेदेखि राति ११ बजेसम्म सबै खुल्ला गरिएको छ । यसमा सिनेमा घरहरु, जिम र फिटनेस केन्द्रहरू, शिक्षा र प्रशिक्षण केन्द्रहरू, बरफ रिन्क्स र डल्फिनारियम जस्ता मनोरञ्जन सुविधाहरू त्यस्तै थोक तथा होलसेल पसलहरु पुन: खोल्नेमा समावेश छ। जुन गत मार्चको अन्त्यदेखि बन्द गरिएको थियो ।

तथापि, १२ बर्ष भन्दा कम उमेरका बच्चाहरूलाई अझै सुविधाहरू प्रवेश गर्न अनुमति दिनेछैन। यसैगरी दुबई बिमानस्थलबाट त्यहाँको आवसीय भिसा हुनेहरु गन्तव्यमा जान तथा ट्रान्जिट भिसा हुनेहरु रोकिन सक्नेछन् । त्यस्तै सरकारी सेवाका सबै कार्यालयहरु खुल्ला हुनेछन् । त्यस्तै दुबईका स्वास्थ्यसेवामा यसअघि बन्द गरिएका नाक, कान, घाँटीका उपचार गरिने क्लिनिकहरु पनि खुल्नेछन् । यसरी खुल्ला गरिएको क्षेत्रमा आवातजावत गर्दा, कामकारबाही गर्दा अनिवार्यरुपमा सुरक्षाका उपाय अपनाउनु पर्नेछ ।

यो व्यवस्था तत्कालका लागि दुबई राज्यमा मात्र लागू हुने यहाँको स्थानीय सञ्चारमाध्यम खालिज टाइम्सले लेखेको छ ।

सम्बन्धित समाचार

एनआरएनएको अध्यक्षमा आचार्यको उम्मेदवारी घोषणा

भारत : अदालतभित्रै गोली हानाहान हुँदा ग्याङस्टारसहित ४ जनाको मृत्यु

नेपालका पूर्वराजाहरुले प्रयोग गरेको श्रीपेचको मूल्य कति ?

डब्ल्यूएचओ भन्छ,‘अवस्था सोचिएको भन्दा खतरनाक’, प्रत्येक वर्ष ‘झन्डै ७० लाख…