Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचार‘नेपालसम्म रेल ल्याउन कठिन, तर चीन प्रतिबद्ध’

‘नेपालसम्म रेल ल्याउन कठिन, तर चीन प्रतिबद्ध’


क्रस बोर्डर रेलवे लाइन निर्माण भौगोलिक रुपमा धेरै कठिन र धेरै खर्चिलो रहेको उनले बताइन् । यसका लागि अझै विस्तृत र वैज्ञानिक अध्ययन आवश्यक रहेको उनको भनाइ छ ।

बिभिन्न चार चरणका काम पूरा गर्नुपर्ने भन्दै उनले अहिले पहिलो चरणको प्रि-फिसिबिलिटीको काम मात्र सकिएको बताइन् । दोस्रो चरणमा फिसिबिलिटी अध्ययन, तेस्रो चरणमा डिजाइन र चौथो तथा अन्तिम चरणमा निर्माणको काम सुरु हुने उनले बताइन् ।

‘नेपाल-चीन क्रस बोर्डर रेलवे धेरै महत्वपूर्ण छ । तर, यो धेरै कठिन छ । सहज छैन हामीलाई,’ राजदूत यान्छीले भनिन्, ‘यो लामो समयको प्रोजेक्ट हो । तर, हामी निर्माणका लागि प्रतिबद्ध छौं ।’

सुरुमा तातोपानी नाकाबाट मालबाहक सवारी साधन आवत-जावत गर्ने राजदूत यान्छीले जानकारी दिइन्

यस विषयमा नेपाल सरकार, रेल विभागका अधिकारी र चिनियाँ टोलीबीच छलफल जारी रहेको जानकारी उनले दिइन् । उनले भनिन्, ‘हामीले आफ्नो तर्फबाट तयारी जारी राखेका छौं । नेपालको तर्फबाट विस्तृत तयारी जारी रहोस् ।’

नेपाल-चीन रेलवे निर्माण गर्न खर्च कति लाग्छ र कुन मोडेलमा बन्छ भन्ने कुराको पनि टुंगो नलागेको जानकारी उनले दिइन् ।

‘तातोपानी नाका अर्को हप्ता खुल्छ’

चिनियाँ राजदूत यान्छीले भूकम्पले क्षति पुर्‍याएको तातोपानी नाका अर्को हप्ता खुल्ने जानकारी दिइन् । ‘धेरै खतरा र चुनौतिको बाबजुद पनि हामीले निर्माण कार्य सकेका छौं । अब अर्को हप्ता तातोपानी नाका खुल्छ,’ उनले भनिन्, ‘यसमा हामीले महत्वपूर्ण प्रगति हासिल गरेका छौं ।’

तातोपानी नाका अर्को हप्ता खुल्ने बताए पनि उनले ठ्याक्कै मिति भने खुलाइनन् । सुरुमा तातोपानी नाकाबाट मालबाहक सवारी साधन आवत-जावत गर्ने राजदूत यान्छीले जानकारी दिइन् । सिलबन्दी गाडिहरु सुक्खा बन्दरगाहमा आएर खोलिने उनको भनाइ छ ।

राजदूत यान्छीले चिनियाँ राष्ट्रपति सि जिनफिङको नेपाल भ्रमण उपयुक्त समयमा हुने बताइन् । बीआरआई फोरममा नेपालको राष्टपति विद्यादेवी भण्डारीले नेपाल भ्रमण गर्न निम्तो गरेको र चिनियाँ राष्ट्रपति सिले सकारात्मक जवाफ दिएको उनले जानकारी दिइन् ।

‘बीआरआईले ऋण थोपर्दैन’

एक अर्को प्रसंगमा उनले चीनको महात्वाकांक्षी बेल्ट एन्ड रोड इनिसिएटिभ (बीआरई)ले नेपाल वा अन्य कुनै पनि देशमा ऋणको भार नपर्ने बताइन् ।

उनले भनिन्, ‘बीआरआईले ऋणको बोझ बढ्छ या ऋणको जालमा पार्छ भनेर केही देशले जिज्ञासा राख्छन् । हाम्रो जवाफ हुन्छ- अहँ । बरु यस परियोजनाले केही देशलाई ऋणमुक्त बनाउन सहयोग गर्नेछ ।’

सहयोगदाताको रुपमा व्यवसायीहरुले स्वाभाविक रुपमा बजारको नीतिअनुसार काम गर्ने उनले बताइन् ।


क्याटेगोरी : समाचार
ट्याग : #breaking

तपाईको प्रतिक्रिया दिनुहोस