युएई सरकारले ल्यायो नयाँ भिषा निति

सुर्य बहादुर खवास वैशाख ३, २०७७ गते ३:४६ मा प्रकाशित

युएई – तँपाई युएईमा हुनुहुन्छ र भिषा म्याद सकिएको छ ? त्यस्तो भए अब चिन्ता नलिनुस्। किनकी युएई सरकारले तपाईको समस्या समाधान गर्न नयाँ नीति ल्याएको छ।

युएई सरकारले सोमबार घोषणा गरेको नयाँ नीति अनुसार मार्च १ तारिक भन्दा पछि भिसाको म्याद सकिएका सबै भिसा, प्रवेश अनुमति र एमिरेट्स आईडी कार्ड सन २०२० को अन्त्यसम्म मान्य रहने बताएको छ ।

सञ्चारकर्मीसँग कुरा गर्दै संघीय प्राधिकरण परिचय र नागरिकता प्रवक्ता कर्नल खामिस अल काबीले भने १ मार्च मा समाप्त हुने सबै भिसा र प्रवेश अनुमति डिसेम्बर, २०२० को अन्त्य सम्म मान्य हुनेछ ।

युएई वा युएई बाहिर बिदामा घर फर्कनु भएको छ तर कोरोनाका कारण यूएई फर्कन पाउनु भएको छैन भने पनि त्यसका लागि सो अवधिसम्म मान्ने हुन्छ ।

यूएईको आवासीय भिसा भएकाले १ मार्च पछाडि अवधि सकिएमा २०२० भरी नै अवधि थपिने छ।