सहकारीद्वारा गाउँपालिकालाई आर्थिक सहयोग हस्तान्तरण

दुख हरण यादव

दाङ्ग, गढवा गाउँपालिकाले कोरोनाको संक्रमणबाट उत्पन्न भएको समस्या समाधान गर्न अति बिपन्न तथा गरिब परिवारलाई राहत बितरणको लागि स्थापना गरेको प्रकोप व्यवस्थापन कोषमा रकम जम्मा गरेर सहयोग गर्ने सहयोग दाताको संख्या बढ्दै गएको छ ।

गढवा गाउँपालिका वडा नम्बर १ जेठानगाउँमा रहेको समता ऋण तथा बचत सहकारी संस्थाले नगद आर्थिक सहयोग हस्तान्तरण गरेको छ । समता बचत तथा ऋण सहकारी संस्थाका अध्यक्ष बेगम गहतराजको नेतृत्वमा व्यवस्थापक दुर्गा बहादुर सुनार,उपाध्यक्ष तुलाराम बिक,सचिव सहबिर बिक सहितको टोलीले गाउँपालिका भित्रका बिपन्न परिवारलाई एकद्वार प्रणालीबाट राहत वितरण गर्ने कार्यक्रम अनुसार गाउँपालिकाको प्रकोप व्यवस्थापन कोषमा १० हजार ५ सय रुपैयाँ सहयोग गरेको अध्यक्ष बेगम गहतराजले बताए ।

राहत रकम बुझ्दै गढवा गाउँपालिकाका अध्यक्ष सहजराम यादवले संकटको यस घडीमा गाउँपालिकाको विपद व्यवस्थापन कोषमा सहयोग गरेको प्रति धन्यवाद ज्ञापन गर्दै रकमलाई सहि ठाउँमा प्रयोग गर्ने प्रतिबद्धता व्यक्त गरे ।

गढवा गाउँपालिकाको प्रकोप व्यवस्थापन कोषमा अहिले सम्म राहत सहयोग गर्ने सहकारीहरुमा समता बचत तथा ऋण सहकारी संस्था पहिलो सहकारी रहेको गढवा गाउँपालिका प्रशासन शाखाका बुद्धिमान चौधरीले बताए ।

कोषमा यस अघि एन आइसी एसिया बैंक, नेपाल निर्माण श्रमिक संघ, नेपाली कांग्रेस क्षेत्र नम्बर १ ले सहयोग हस्तान्तरण गरि सकेको गाउँपालिकाका प्रमुख प्रशासकिय अधिकृत लाल बहादुर योगीले जानकारी दिए ।

सम्बन्धित समाचार

म्यानमारमा सैनिक ज्यादतीः एकै दिन ८० जना भन्दा बढिको हत्या

कांग्रेसको पदाधिकारी बैठक बस्दै

सिरहाको लहानमा एकजना सुनचाँदी व्यवसायीको हत्या

अनेरास्ववियु क्रान्तिकारीको आयोजनामा रक्तदान