Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रदेश खबरप्रदेश ५राहत लगेर जनताको घर पुगे वडाध्यक्ष केसी

राहत लगेर जनताको घर पुगे वडाध्यक्ष केसी


दाङ्ग, लमही नगरपालिका वडा नम्बर ९ ले वडामा रहेका अति बिपन्न बर्गका एक सय पचास घरपरिवारलाई खाद्यान्न वितरण गरेको छ ।

हिज शुक्रवार र आज शनिवार गरेर वडाका रिहार, तेलिया, कोल्तरा, तरुलिया, हर्दवा, स्याले, बांगेताल, जलकुण्डी र अमिलियाका बिपन्न घरपरिवारलाई राहत स्वरुप खाद्यान्न वितरण गरिएको हो ।

राहत वितरण गर्दा संख्याको आधारमा गरिएको लमही नगरपालिका वडा नम्बर ९ का वडाध्यक्ष भेष बहादुर केसीले जानकारी दिए । पच्चीस केजी चामल, एक लिटर तेल, दुई किलो दाल, दुई किलो नुन लगायतको सामान दिइएको छ । नगरपालिकाकै बिकट गाउँको रुपमा चिनिएको त्यस क्षेत्रका स्थानीयले अप्ठ्यारो परिस्थितका बेला वडाध्यक्ष राहतको प्याकेज लगेर घरैमा पुग्दा खुशी भएका छन् । अहिले तत्कालका लागि हातमुख जोड्न समस्या भएकालाई राहत उपलब्ध गरिएको र अझै समस्या नपरेकालाई फेरी राहत उपलब्ध गराईने वडाध्यक्ष केसीले बताए ।

राहत वितरण गर्दा एकाधको गुनासो आउनु स्वाभाविक भएको केसीको भनाई छ । दुखको बेला कसैलाई काखा र पाखा नगरिने समेत बताएका छन् । हामीले सबै गाउँका टोल बिकास समितिका अध्यक्षलाई अति भन्दा अति बिपन्न बर्गको घरपरिवार पहिचान गर्न भनेका थियौ र सोहि अनुशार उहाँहरुले सिफारिस गरेको आधारमा राहत सामाग्री बाडिएको वडाध्यक्ष केसीले बताएका छन् ।

लमही नगरपालिकाको कोरोना विपद राहत कोषमा राखिएको पचास लाख मध्ये बाट सबै वडाहरुलाई पांच÷पांच लाख छुट्टाईएकोे छ । पहिलो चरणको राहत बितरणमा पचास प्रतिशत रकमले बिपन्न बर्गका परिवारलाई खाद्यान्न बाडिएको हो । बाकि अन्य बिपद आईहाल्यो भने त्यहि पैसाले फेरी सहयोग गर्नका लागि जगेडा राखेका छौ वडाध्यक्ष केसीले भने ।

वडा नम्बर ९ का वडाध्यक्ष केसी यति बेला जनताको सुख दुख बुझ्नका लागि सबै गाउँ बस्ति र टोलमा खटिएका छन् । रातदिन राहत ओसारपसारमा तल्लिन भएका छन् । जनताले सेवा र बिकास गर्नका लागि मलाई मत दिएर जिम्मेवारी सुम्पिएका छन, मैले पनि त्यो जिम्मेवारी बहन गरेको छु त्यसैले विपदको बेला मैले नगरे कसले गर्छ वडाध्यक्ष केसीले भने ।

लमही नगरपालिका वडा नम्बर ९ का सबै जसो गाउँ र बस्तीमा दलित र जनजातिहरुको संख्या बाक्लो रहेको छ । त्यो बस्तीका स्थानीयहरूमा सांझ बिहान हातमुख जोड्न पनि निकै सकस हुने गर्दछ ।

यिनै समस्यालाई मध्यनजर गरेर त्यस्ता समुदायका मानिसलाई वडा नम्बर ९ को कार्यालयले राहत बाडेको बताएको छ । अब पहिलो चरणको राहत सकिएको बताउदै देशको अबस्था बुझेर अन्य कार्यक्रम अघि बढाउने वडा सदस्य खिम बहादुर योगीले बताए ।


क्याटेगोरी : समाचार, प्रदेश ५
ट्याग : #breaking

तपाईको प्रतिक्रिया दिनुहोस