आयाम सहकारीको बाषिर्कोत्सवमा रक्तदान

प्रिया स्मृती गजमेर फागुन १३, २०७६ गते १८:१९ मा प्रकाशित

दाङ्ग, देउखुरीको गढ़वामा रहेको आयाम बहुउद्देश्यीय सहकारी संस्था लि.ले आफ्नो पाचौ वाषिर्कोत्सव बुधवार भव्य रूपमा सम्पन्न गरेको छ ।

संस्थाले आज मंगलवार रक्तदान कार्यक्रम गरि वार्षिकोत्सब मनाएको हो । रक्तदान कार्यक्रममा ४२ जनाले रक्तदान गरेका छन् । सहकारी नाफा भन्दा सेवा मुखि हुनुपर्छ भन्ने मान्यता अनुरूप सस्थाले बेला बेलामा जनहितका लागि बिभिन्न कार्यक्रम गर्दै आएको अध्यक्ष ओम प्रकाश बस्यालले बताए ।

रक्तदान कार्यक्रमलाई औपचारिकतामै सिमित राखेर रगत कसरि संकलन गर्न सकिन्छ भनेर धेरै भन्दा धेरै सहभागिता गराउन हाम्रो योजना थियो र त्यसै अनुरुप करिब बयालीस जनालाई सहभागी बनाएर रगत संकलन गर्न सफल भयौ अध्यक्ष बस्यालले भने ।

दक्षिण देउखुरीको गढवा गाउपालिका भौगोलिक हिसाबले अत्यन्तै बिकट मानिन्छ । अझै पनि गाउँपालिकाका दुर दराजका बस्तीमा सहज रुपले न यातायात पुगेको छ न शिक्षा, स्वास्थ्य र खानेपानीको उचित व्यवस्था रहेको छ ।

मानव जिवनमा नभई नहुने अत्यावश्यक कुराहरु नहुँदा समस्यामै उनीहरुले दैनिकी बिताई रहेका छन् । सहकारीको क्षेत्रमा यो पटक आयामले रक्तदान गरेको पहिलो पटक हो यो कार्यले रगत नपाएर अकालमा ज्यान गुमाउनेका लागि अत्यन्तै राम्रो हो गढवा गाउँपालिका वडा नम्बर पाँचका किरण पौडेलले भने ।

हामीले गरेको रक्तदानले कसैको जीवन बाँच्छ भने किन नगरौ भनेर यो पटक मैले पनि गरे पौडेलले भने । देउखुरी क्षेत्रमा सयौको संख्यामा सहकारी छन् तर दक्षिण देउखुरीको सवालमा सहकारीले रक्तदान गरेको पहिलो पटक हो ।