बार्षिकोत्सबको अवसरमा रक्तदान हुने

दाङ, आयाम बहुउद्देश्यीय सहकारी संस्था लि गढवा दाङले भोली मंगलबार आफ्नो पाचौं वार्षिकोत्सबको अवसरमा रक्तदान कार्यक्रम गर्ने भएको छ ।

प्रत्येक वर्ष फरक फरक कार्यक्रम गर्दै आएको संस्थाले यस वर्ष बार्षिक कार्यक्रम अनुसार “रक्तदान जिवनदान” भन्ने नाराका साथ रक्तदान कार्यक्रम गर्न लागेको संस्थाका अध्यक्ष ओमप्रकाश बस्यालले जानकारी दिए ।

बार्षिकोत्सवको अवसरमा यस अघि खेलकुद कार्यक्रम, फुटबल प्रतियोगिता, ब्याडमिन्टन प्रतियोगिता , मैत्रीपूर्ण क्रिकेट प्रतियोगिता, बजार सरसफाई कार्यक्रम आयोजना गरि भव्य र सभ्य रूपमा वार्षिकोत्सब मनाएको संस्थाले यस वर्ष रक्तदान कार्यक्रम गर्न लागेको हो ।

रक्तदान कार्यक्रम भव्य र शव्य रूपमा संचालन गर्न केशब नेपालीको संयोजकत्वमा ३ सदस्यीय उपसमिति गठन गरिएको छ, जसको सदस्यमा मुलचन्द चौधरी र पुष्पराज घिमिरे रहेका  छन ।

रक्तदान कार्यक्रम भोलि मंगलबार विहान ११ बजेदेखि गढवाको मेनचोकमा हुने भएकाले रक्तदान गरी जिवनदान गरिदिनुहुन संस्थाले सबैमा अनुरोध गरेको छ ।

सम्बन्धित समाचार

कतारबाट एनआरएनए सचीव पदमा टंकप्रसाद गैरेको उम्मेद्बारी घोषणा

मधेस प्रदेशमा आज सार्वजनिक बिदा

आजको मौसम : यी चार प्रदेशमा पानी पर्ने सम्भावना

आज इन्द्रजात्रा, उपत्यकामा सार्वजनिक बिदा