अधवैष्य महिलालाई वलात्कार गर्ने १९ वर्षीय युवक पक्राउ

रुपेन्देही –  एक महिलालाई जबरजस्ती करणी गरेको आरोपमा रुपन्देहीमा १९ वर्षीय एक युवक पक्राउ परेका छन्।

इलाका प्रहरी कार्यालय बुटवलले सोमबार राति ४५ वर्षीय  महिलालाई जबरजस्ती करणी गर्ने बुटवल उपमहानगरपालिका वडा नं. १८ का १९ वर्षीय रामकिसुन थारुलाई पक्राउ गरेको हो।

थारुले सोमबार राति साढे १ बजेतिर घरमा कोही नभएको मौकामा ती महिलालाई जबरजस्ती करणी गरेको प्रहरीले जनाएको छ।

ईलाका प्रहरी कार्यालय बुटवलका प्रहरी नायब उपरीक्षक भीमलाल भट्टराईले महिलाले दिएको उजुरीको आधारमा थारुलाई पक्राउ गरिएको जानकारी दिए।

आइतबार राति पनि रुपन्देहीको मर्चवारमा एक बालिकामाथि सामुहिक बलात्कार भएको थियो। आइतबार राती ११ बजे सम्मरीमाई गाउँपालिकमा १६ वर्षीया बालिकामाथि सामूहिक बलात्कार गर्ने तीन युवालाई प्रहरीले पक्राउ गरेको हो।

सम्मरीमाई गाउँपालिका वडा नम्बर ३ स्थित गाउँमा महायज्ञ चलिरहेका बेला आफ्नै घरभित्र रहेकी बालिकालाई बाहिर बोलाएर नजिकै निर्माणाधिन अवस्थामा रहेको भवनमा लगेर तीन युवाले बलात्कार गरेको रुपन्देही प्रहरीले जनाएको छ।

सम्बन्धित समाचार

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा

प्रवासी भुजेल समाज कतारको आठाै महाधिवेशन सप्पन्न