अपाङ्ग छु तर म भित्रका सपना सपाङ्ग छन्

दाङ्ग, जन्मदै शारीरिक अपांग जन्मिएका २४ बर्षिय गणेश बुढा मगर यताउता हिड डुल गर्नु पर्यो भने बैशाखीको साहारा लिने गर्दछन ।

उनको उचाई ३४ इन्च छ भने तौल २० केजीको रहेको छ । तर उनीमा हिम्मत भने संसार चुम्ने रहेको बताउछन । २०५२ साल रुकुम जाङ्ग भन्ने ठाउँमा बुवा सुक बहादुर र आमा धनपुरा बुढा मगरको कान्छो छोराको रुपमा जन्मिएका गणेशले २०७२ सालमा प्लस टु पास गरे र उच्च शिक्षा पढ्नका लागि रुकुमबाट बुटवल तिर गएको बताए ।

उनै बुढा यति बेला दाङ्गको लमहीमा चलिरहेको महोत्सवमा आई पुगेका छन । गणेशले लिपुलेख कालापानी नामक टेली फिल्ममा पनि अभिनय गरेको बताए । उक्त फिल्ममा छोराको भूमिकामा उनले अभिनय गरेका छन् ।

उनि भन्छन अपाङ्ग छु तर म भित्र भएको प्रतिभाले केहि गर भनेर उकुस मुकुस पार्छ । केहि संघ संस्थाले मेला महोत्सबमा उनलाई प्रयोग गरेर आर्थिक कुम्लाएर सम्पर्क बिहिन भएको गुनासो सुनाए । अब त्यस्ता संघ संस्थाको भर बिस्वास पर्दैन बरु आफै केहि गर्छु भन्ने गणेशमा आंट पलाएको छ ।

पछिल्लो समय उनीमा चलचित्र निर्माण गर्ने सपना पलाएको छ र यसका लागि उनि योजना बुनेर आर्थिक संकलन गर्नका लागि जुटेका छन् । चलचित्रको नाम पनि टुंगो लागि सकेको र त्यसका लागि कथाबस्तु पनि अन्तिम चरणमा पुगेको उनको भनाई छ ।

उक्त फिल्ममा मुख्य पात्रका रुपमा आफु रहने र अरु सपाङ्ग व्यक्तिलाई समाबेश गराउने उनले बताए ।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै