क्यान्सर पिडितलाई आर्थिक सहयोग

दाङ्ग, बिगत तिन महिना देखि फोक्सोमा क्यान्सर भएर थला परेका लमही नगरपालिका वडा नम्बर ५ निवासी अर्जुन कुमार धवनका २३ बर्षीय छोरा गणेश कुमार धवनलाई लमही स्थित सुनौलो देउखुरी यातायात प्रालिले आर्थिक सहयोग गरेको छ ।

आज लमहीमा पत्रकार सम्मेलन गरेर प्रालिका अध्यक्ष तिर्थराज पोख्रेल र सल्लाहकार नारायण प्रसाद बन्जाडेले संकलन भएको ५२ हजार २३ रुपैया पीडितका बाबु अर्जुन कुमार धवनलाई संयुक्त रुपमा रकम प्रदान गरेका हुन् । पेशाले पिडित गणेश पनि ई–रिक्सा चालक हुन् तर बिरामी भएपछी करिब तिन महिना यता उनको ईरिक्सा घरमै थन्किएको छ ।

उनको आर्थिक स्थिति निकै दयनिय भएकोले उपचारमा समस्या भएको उनका बाबु अर्जुनले बताए । उपचारका लागि धवन नेपालका बिभिन्न अस्पतालमा पुगे तर असम्भव देखिएपछि छोरालाई लगेर उनि भारतको राजस्थानमा पुगे । त्यहा पुगेर छोराको उपचार सुरु गरे तर आर्थिकको भार थपियो । ऋण कर्ज काढेर लगेको पैसा हुँदा सम्म बसे त्यसपछि नेपाल फर्किए अर्जुनले भने ।

अहिले पिडित गणेश राजस्थानमा डाक्टरहरुले दिएको औषधि खाइरहेका छन् । उक्त औषधिले छोराको स्वास्थ्यमा केहि सुधारोन्मुख भएको बाबु अर्जुनले बताए । छोराको उपचारमा खर्च धेरै लाग्ने भएकोले आर्थिक सहयोग गरेर छोराको ज्यान बचाई दिन बाबु अर्जुनले आग्रह गरेका छन् ।

सहयोग गर्न चाहाने सहयोगीहातहरुले पिडितको नाममा रहेको कृषि बिकास बैंकको खाता नम्बर ०९१९००१३८७९१४०१६ मा सहयोग रकम पठाउन सकिने छ ।

सम्बन्धित समाचार

अन्ततः १४ नोभेम्बर देखि कतारमा पनि ‘पूर्णबहादुरको सारङ्गी’

चर्चित लोक तथा दोहोरी गायिका सम्झना भन्डारी कतारमा

नेपाल व्यवसायी संघ कतारको आयोजनामा नेपालमा लगानीको सम्भावना र चुनौति…

सडक दुर्घटनाको दीगो नियन्त्रणका लागि प्रधानमन्त्री केपी शर्मा ओलीलाई ज्ञापनपत्र