दुर्घटना न्युनिकरण गर्न सडकमा ड्रम

दाङ्ग, दुर्घटना न्युनिकरणका गर्नका लागि दाङ्ग प्रहरीले सडकमा ड्रम राख्न शुरु गरेको छ । अत्याधिक गतिका कारण दुर्घटना बढेको भन्दै प्रहरीले तुलसीपुरका विभिन्न सडकमा ड्रम राख्न शुरु गरेको हो ।

इलाका प्रहरी कार्यालय तुलसीपुरको समन्वयमा ट्राफिक प्रहरी कार्यालय तुलसीपुरले शनिबारदेखि गति नियन्त्रणका लागि भन्दै ड्रम राख्न शुरु गरेको हो । प्रहरीले दुर्घटना बढी हुने सिधा बाटोको पहिचान गरि विभिन्न ६ ठाउमा गति नियन्त्रणका लागि ड्रम राख्न शुरु गरेको इलाका प्रहरी कार्यालय तुलसिपुरका डिएसपी हरिहरनाथ योगीले जानकारी दिए ।

प्रहरीले सिधा तथा दुर्घटना हुन सक्ने भन्दै तुलसीपुर सल्यान सडक खण्डमा २ ठाउँ , पश्चिम सडकमा १ ठाउँ , सितलपुर सडक खण्डमा १ ठाउँ र घोराही सडक खण्डको यातायात नजिक १ ठाउँ गरि जम्मा ६ ठाउमा ड्रम राख्न लागेको ट्राफिक प्रहरी कार्यालय तुलसीपुरका प्रमुख नन्द पोख्रेलले जानकारी दिए ।

सम्बन्धित समाचार

सरकारी जग्गा बैना गरी ठगी गरेको आरोपमा ७२ वर्षीय वृद्धसहित…

पूर्व डीआईजी रञ्जन कोइराला पक्राउ

कतारमा जुन १ देखि बाहिर घाममा काम लगाउन नपाउने

कटारीमा नातिले खुकुरी प्रहार गरी हजुरआमाको हत्या