प्रहरीद्वारा बेवारिसे काठ बरामद

दाङ्ग, देउखुरीको दोलइ खोलामा माटो मुनि गाडेर लुकाई राखेको अवस्थामा प्रहरीले काठ बरामद गरेको छ । प्रहरी चौकी सिसहनियाबाट खटिएको प्रहरी टोलीले राप्ती गाउँपालिका वडा नं ८ दोलइ खोलामा माटोले पुरेर लुकाई राखेको बिभिन्न जातको ४३.९ क्यूफिट काठ बरामद गरेको हो ।

खोलामा माटोले पुरेर राखेको बेवारिसेअवस्थाको सालको काठ १५ गते राति प्रहरीले बरामद गरेको हो । प्रहरीले साल जातको ४ थान, अस्ना ३२ थान र जामुन जातको २१ थान गरि ५७ थान गोलिया बरामद गरेको हो । दोलइ खोलामा तटबन्ध गर्ने क्रममा माटोमुनी लुकाइ राखेको अवस्थामा उक्त काठ फेला परेको थियो । अहलिे उक्त काठलाई लमहीको डिभिजन वन कार्यालयमा राखिएको छ ।

वेवारिसे अवस्थाको काठलाई लिलामी प्रक्रियामा लगेर राजश्व सरकारको नाममा जम्मा हुनेगरी प्रक्रिया अघि बढाइने डिभिजिन वन कार्यालय लमहीका निमिक्त प्रमुख देवी चौधरीले जानकारी दिए ।

सम्बन्धित समाचार

पत्रकार महासंघले सरकारलाई दियो चेतवानी

बागमती प्रदेश समन्वय परिषद कतारबाट ५ जिल्ला संस्थाले तोडे सम्वन्ध

जबरा र सांसदबीच यस्तो रह्यो सवाल जवाफ

यी हुन् चोलेन्द्रशमशेर राणाविरूद्धका प्रमाण