टेङ्नैया बाबा धाममा गौशाला

दाङ्ग, लमही नगरपालिका वडा न ८ को शिबशक्ती बाख्रा बिकास सामुदायिक बन उपभोक्ता समितिले टेङ्नैया बाबामा गौशाला सन्चालनमा ल्याएको छ ।

गाउँ घरमा छाडारुपमा छोडिएका गाईगोरुलाई स्याहार गर्ने उद्देश्यका साथ सामुदायिक बन उपभोक्ता समितिले गौशालाको निर्माण गरेको हो । सडक÷बाटोमा छाडारुपमा रहेका ११ वटा गाईगोरुलाई बुधबार देखि गौशालामा राखिएको शिबशक्ती सामुदायिक बनका अध्यक्ष जनक बुढाले बताए ।

ती गाईगोरुको लागि अहिले गाउँघरबाट घाँस पराल संकलन गरेर राखिएको छ । अहिले स्थानिय स्रोत साधन प्रयोग गरेर गौशाला निर्माण गरिएको छ । स्वर्गद्वारी आश्रमबाट आएका एक जना पुजारी ( धन बहादुर बैजाली घर्ती ) ले ती गाईगोरुको रेखदेख गर्ने अध्यक्ष बुढाले बताए ।

टेङ्नैया धार्मिक बिकास क्षेत्रका अध्यक्ष डिल्ली बहादुर खड्काका अनुशार यस क्षेत्रको स्तर उन्नतिका लागि धेरै काम गर्न बाकी रहेको छ । जम्मै नेताहरु आउने र आश्वासन मात्र दिएर जाने गर्छन तर बिकासको लागि गम्भीर कोहि हुँदैनन खड्काले भने ।

पाण्डबहरु उत्तरापन्त जाने क्रममा टेङ्नैयामा बाँस बसेर दाङको धारापानी हुँदै प्युठानको स्वर्गद्वारी भएर स्वर्ग गएको धार्मिक जनबिस्वास रहि आएको संस्थाका सचिव यादबनाथ योगीले बताए ।

साथै टेङ्नैया बाबाको धाममा गएर मनले चिताएको मागे अबस्य पूरा हुने स्थानिय बताउँछन् । टेङ्नैया बाबा धामको चौतर्फी बिकास गर्न सके दाङकै एक प्रसिद्ध पर्यटकिय स्थल बन्ने स्थानिय दिक्पाल योगीको भनाई छ ।।

सम्बन्धित समाचार

कोरोनाको नयाँ भेरिएन्टले विश्वमा हलचल, अहिलेसम्म कुन–कुन देशमा फैलियो ?

दक्षिण अफ्रिकामा फैलिएको कोरोनाको नयाँ भेरियन्टको डरले नेपालमा कडाइ

स्वीडेनकी यी पहिलो महिला प्रधानमन्त्री जसले नियुक्त भएको १२ घन्टापछि…

दुर्घटनामा ज्यान गुमाएका विद्यार्थी नेताका परिवारलाई नौ लाख क्षतिपूर्ति