मैत्रिपूर्ण क्रिकेटको उपाधी पत्रकार समुहलाई

दाङ्ग, नेपाल पत्रकार महासंघ दाङ शाखाको २७ औं स्थापना दिवसको अवसरमा आयोजीत मैत्रिपूर्ण क्रिकेटको उपाधी पत्रकार समुहले हात पारेको छ ।

पहिलो टस जीतेर व्याटिङ्ग रोजेको जनप्रतिनिधिको समुहले १५ ओभरको समाप्ती संगै सम्पूर्ण विकेट गुमाउदै ८२ रन बनाएको थियो । जनप्रतिनिधिको समुहबाट भानु पन्तले २५ रन बनाएका थिए । सद्धाम सिद्धिकीले २ छक्का हान्दै १७ रन जोडेका थिए । पर्शु चौधरीले १० रन, नारायण जिसीले ८ रन र उत्तम विष्टले ७ रन बनाएका थिए ।

पत्रकारको समुहबाट शिबराज खनालले ह्याट्रीक सहित चार विकेट लिन सफल भएका थिए । पत्रकार दशरथ घिमिरेले २, शिवु खनालले २ र प्रियास्मृती गजमेरले एक विकेट लिन सफल भएका थिए ।

पत्रकारको समुहबाट सबै भन्दा धेरै अमित तामाङ्गले ५६, कौशल अधिकारीले १४, शिवराज खनालले दश रन, दशरथ घिमिरेले पाँच रन बनाएका थिए ।

प्रतियोगीतामा एम्पायरको भुमिका राहुल शहानी र सुरज खनालले गरेका थिए । मैत्रिपूर्ण खेल आयोजनामा लमही स्थित सिभिल बैंकका लमही शाखा प्रमुख सौरभ न्यौपाने र गढवा गाउँपालिका वडा नं. ५ का वडा अध्यक्ष प्रकाश भण्डारीले आर्थिक सहयोग गरेका थिए ।

सम्बन्धित समाचार

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा

प्रवासी भुजेल समाज कतारको आठाै महाधिवेशन सप्पन्न