अटोभिलेज निर्माण गर्नका लागि जग्गा छनोटमा जुटे जनप्रतिनिधि र ब्यबसायी

दाङ्ग, अटोभिलेज निर्माण गर्नका लागि लमही नगरपालिकाका जनप्रतिनिधि र यहाका ब्यबसायीले जग्गा छनोटको लागी स्थलगत अवलोकन गरेका छन् ।

उनीहरुले लमही नगरपालिका वडा नम्बर ७ स्थित कर्री सामुदायिक वनको नजिक रहेको अर्जुनखोला देखि पाँचसय मिटर दक्षिण तर्फ रहेको ऐलानी जग्गा र लमही नगरपालिका वडा नम्बर ७ हस्नापुरमा रहेको ऐलानी जग्गाको स्थलगत अवलोकन गरेका हुन् ।

लमही नगरपालिका नगर प्रमुख कुलबहादुर केसी, नगर उप–प्रमुख देबका बेल्वासे, वडा नम्बर ७ का वडाध्यक्ष मोहन गिरी, ६ का गणेशमान चौधरी, १ का नुमराज पौडेल, देउखुरी उद्योग बाणिज्य संघ लमहीका महासचिव कमलजंगसिंह ठकुरी, जगदम्बा अटो इञ्जिनियरिङका प्रबन्धक निर्देशन लोकबहादुर घिमिरे, राप्ती अटो इञ्जिनियरिङ लमहीका अध्यक्ष विकाश देवकोटा, ऋषि खनाल, भीष्म गैरे लगायतको टोलीले जग्गा छनोटको लागी सोमबार स्थलगत अवलोकन गरेको हो ।

अवलोकन गर्दै देउखुरी उद्योग बाणिज्य संघका महासचिव ठकूरीले नगर क्षेत्र भित्र रहेका सम्पूर्ण अटो मोबाइल व्यवसायिहरु बोलाएर बृहत भेला राखी लमही नगरपालिका र देउखुरी उद्योग बाणिज्य संघ लमहीको अटोभिलेज सम्बन्धी भिजन देखाइ र छलफल पछि अटोभिलेज निर्माणको प्रकृया अगाडि बढाउने जानकारी दिए ।

यस्तै लमहीमा अटोभिलेज निर्माणको क्रममा नगर क्षेत्रमा कसैलाइ असर नपुग्ने गरि र उपयुक्त स्थानको पहिचान गरेर लमही नगरपालिकासंग समन्वय गरि अटोभिलेजको निर्माण गर्ने महासचिव ठकूरीले बताए ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै