दाङ्गको गढवामा जिलेटिन बम विष्फोट

दाङ, दाङमा बम विष्फोट हुदा एक घरमा क्षति पुगेको छ ।

दाङको गढवा गाउँपालिका वडा नम्बर २ कोठरी निवासी घनश्याम चौधरीको घरमा अपरान्ह तिन बजेको समयमा जिलेटिन बम विष्फोट भएको जिल्ला प्रहरी कार्यालय दाङले जनाएको छ ।

उक्त विष्फोटबाट सोही घरमा रहेको गोधुली बचत तथा ऋण सहकारी संस्थाको कार्यालयमा पूर्ण रुपमा क्षति भएको वडा नम्बर २ का वडाध्यक्ष भक्तु चौधरीले जानकारी दिए ।

जिल्ला प्रहरी कार्यालय दाङका प्रबक्ता बिनोद बिक्रम शाहका अनुसार घरधनी चौधरी रोजगारीको शिलशिलामा भारत बस्दै आएको र विष्फोट भएको जिलेटिन बम भारतबाटै ल्याएको बताएका छन् ।

चौधरीलाई प्रहरीले नियन्त्रणमा लिएर उक्त बम कहा र कसरि आयो भन्ने बारे अनुसन्धान भैरहेको दाङ्ग प्रहरीले बताएको छ ।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै