सल्यानमा सरकारी गाडी नेकपाद्वारा दुरुपयोग

दाङ्ग,  सल्यानको कुमाख गाँउपालिकाका अध्यक्षले प्रयोग गर्ने सरकारी गाडीको दुरुपयोग भएको छ । सल्यानको कुमाख गाँउपालिका अध्यक्ष दिलमाया बुढा चढ्ने बा २ झ ४२४६ नम्बरको सरकारी गाडी सहित ७र८ वटा सरकारी मोटरसाईकल प्रयोग गरी गएराती प्रचार प्रसार गरिएको छ ।

नेकपाका कार्यकर्ताले सरकारी नम्बर प्लेट भएका ५÷७ वटा मोटरसाईकल र  गाडी साँझ ७ बजे मतदाता भड्काउने नेकपालाई भोट हाल्नु भन्न लगाउने उद्देश्यले गाँउ प्रवेश गरेको नेपाली कांग्रेस सल्यानका सभापती गणेश चन्दले बताए ।

उनीहरु आचार संहिता उलंघन गरेर गएको देखे पछी कांग्रेसका कार्यकर्ताले पछ्याउदै गएको र कांग्रेसका कार्यकर्ताले आफुहरुलाई पछ्याउदै आएको देखेर उनीहरु राति ९ बजे फर्किएको सभापती चन्दले बताए ।

आचारसंहिता उलंघन भएको हामीले सिडियो, सल्यान प्रहरी प्रमुख,निर्वाचन कार्यालय प्रमुख समेतलाई जानकारी गरायौ तर सुनुवाई भएन त्यसैले यहाँ प्रहरीको पनि मिलेमतो रहेको हाम्रो आशंका छ सभापति चन्दले भने ।

यता यो बिषयमा सल्यान प्रहरी प्रबक्ता ढकेंद्र खतिवडासंग बुझ्दा सरकारी गाडी प्रचारमा प्रयोग नभएको र सुरक्षाका हिसाबले सबै सरकारी गाडी प्रहरी कार्यालय मै राखिएको प्रतिक्रिया दिए ।

सम्बन्धित समाचार

एनसेल प्रकरणमा प्रतिक्रियावादीहरुले दुस्प्रचार गरे : प्रधानमन्त्री प्रचण्ड

नेपालमा लगानीको वातावरण बनाउन सरकार प्रतिबद्ध छ : अर्थमन्त्री महत

रूसी सेनामा २०० भन्दा बढी नेपाली भर्ती भएको प्रधानमन्त्रीको भनाइ

कोप–२८ ले आवश्यक ऊर्जा उत्सर्जन कटौतीको केवल ३० प्रतिशत पूरा…