अर्घाखाँचीको नरपानीमा बस दुर्घटना ८ को मृत्यु

दाङ्ग, अर्घाखाँचीको सन्धीखर्कबाट बुटवलतर्फ आउँदै गरेको लु २ ख २१४८ नम्बरको यात्रु बस आज बुधवार सन्धीखर्क नगरपालिका–६, नरपानीमा दुर्घटना हुँदा ८ जनाको मृत्यु भएको छ भने ११ जना घाइते भएका छन् ।

५ नं. प्रदेश प्रहरी कार्यालयले अहिलेसम्म ५ जना पुरुष र तीन जना महिला गरी ८ जनाको मृत्यु भएको विवरण आएको पुष्टि गरेको छ । प्रदेश प्रहरी प्रमुख डीआईजी सुरेश विक्रम शाहले गाडी सडकबाट करिब चार सय मिटर तल खसेको बताएका छन् ।

घाइते मध्ये दुई जनाको सन्धीखर्कमै उपचार भइरहेको छ भने अन्यलाई बुटवल रिफर गरिएको छ । अहिले घटनास्थलमा जिल्ला प्रहरी कार्यालय अर्घाखाँचीबाट डीएसपी प्रकाश विष्टको नेतृत्वमा गएको टोलीले घाइतेको उद्दार गरिरहेको प्रहरीले जनाएको छ ।

सम्बन्धित समाचार

श्रीमतीले गरिन् श्रीमानको घाँटी रेटेर हत्या

तारले रुखमा बाँधेर ज्यूँदै जलाएको अवस्थामा काभ्रेमा भेटियो  पुरुषको शव

दोषी भए फाँसी दिनुहोस भन्दै मध्यरातमा सन्दिपले  लेखे यस्तो भावुक स्टाटस

आज मातातीर्थ औँसी, आमाको मुख हेर्ने दिन