दाङ्गको लमहीमा सर्पदंश उपचार केन्द्र भवन निर्माण हुदै

दाङ्ग, देउखुरीको मुख्य व्यापारिक केन्द्र लमहीमा सर्पदंश उपचार केन्द्र भवन निर्माण हुने भएको छ । धेरै वर्ष देखि बहसमै सिमित रहेको सर्पदंश उपचार केन्द्रले अब पूर्णता पाउने भएको हो । भवनको आज सोमवार शिलन्यास भएको छ ।

लमही अस्पतालको नजिकै उक्त सर्पदंश उपचार केन्द्र भवनको शिलन्यास गरिएको हो । पश्चिममा बाँके देखि पूर्वमा कपिलबस्तु सम्मका नागरिकलाई सेवा दिने गरि भवनको निर्माण थालिएको छ ।

देउखुरीमा सर्पको टोकाइबाट वर्षैनी सैयौको मृत्यु हुने गरेको छ । सर्पदंश उपचार केन्द्र निर्माणका लागि बिभिन्न कोण आवाज उठे पनि कार्य अघि बढ्न सकेको थिएन .

सर्पदंश भवनको शिलन्यास गर्दै लमही नगरपालिकाका प्रमुख कुलबहादुर केसीले अव सर्पको टोकाइबाट अकालमा कसैले पनि ज्यान गुमाउन नपर्ने बताए । धेरै अघि देखि आफुले यस क्षेत्रमा सर्पदंश उपचार केन्द्र खोल्ने सपना देखेको आज आएर पुरा भएको केसीले बताए ।

नगर प्रमुख केसीले लमही अस्पतालमा औषधी छैन भनेर अब कुनै पनि बहानाबाजी नचल्ने समेत बताए । अस्पतालमा चाहिने जुन कुनै सामानको बारेमा नगरपालिकामा जानकारी दिन पनि अस्पताल प्रसासनलाई आग्रह गरे ।

कार्यक्रममा लमही नगरपालिकाका उप–प्रमुख देवका बेल्वासेले अस्पतालको मुल्याङ्कन घटेको भन्दै अब आउने अस्पताल प्रमुखले लमही नगरपालिका संग सहकार्य गरेर ब्यबस्थापन गर्न आग्रह गरिन । अस्पतालको स्तरवृद्धि गर्न डाक्टरले सकारात्मक भुमिका निर्वाह गर्नु पर्ने उनले बताईन ।

कार्यक्रममा लमही नगरपालिका प्रमुख प्रशासकीय अधिकृत गेहेन्द्रबहादुर डाँगीले सर्पदंश उपचार केन्द्रको निर्माण कार्य तोकिएको समयमै सम्पन्न गरेर सेवा दिने बताए । निर्माण कार्यमा ठेकदारको इमान्दारीता, प्रतिवद्धता र सम्झौता अनुसारको काम हुने डाँगीले विस्वास व्यक्त गरेका छन् । हामी लमही अस्पतालको सुधार कार्यमा लागी रहेका छौँ, प्रयास जारी रहयो भने सुधार पक्कै हुने छ उनले भने ।

लमही नगरपालिकाका इञ्जिनियर विजयदेव चौधरीले सर्पदंश उपचार केन्द्र भवनको निर्माण २०७७ साल साउन ६ गते सम्म सम्पन्न हुने गरि डोको कन्सलटेन्ट एण्ड कन्सट्रक्सन प्रा.लि र लमही नगरपालिकाका विच भएको सम्झौता अनुसार उक्त भवनको कुल लागत रकम दुई करोड सात लाख अठार हजार सात सय नब्बे रुपैँया रहेको विबरण प्रस्तुत गरेका थिए ।

कार्यक्रममा लमही नगरपालिका वडा नम्बर १ का वडाध्यक्ष नुमराज पौडेल, लमही अस्पतालका निमित्त डा. अकाश बेल्वासे, नेपाल पत्रकार महासंघ दाङ शाखा उपाध्यक्ष लिला शाह, पत्रकार राधेश्याम गुप्ता लगाएतका वक्तहरुले बोलेका थिए । कार्यक्रमको सहजिकरण लमही नगरपालिकाका योजना प्रमुख पुष्पराज अधिकारीले गरेका थिए ।

सम्बन्धित समाचार

श्रीमतीले गरिन् श्रीमानको घाँटी रेटेर हत्या

तारले रुखमा बाँधेर ज्यूँदै जलाएको अवस्थामा काभ्रेमा भेटियो  पुरुषको शव

दोषी भए फाँसी दिनुहोस भन्दै मध्यरातमा सन्दिपले  लेखे यस्तो भावुक स्टाटस

आज मातातीर्थ औँसी, आमाको मुख हेर्ने दिन