महिलामाथि डोजर चलाउने ड्राइभर पुर्पक्षका लागि थुनामा

बैतडी – बैतडीको दशरथचन्द नगरपालिका-९ ग्वाल्लेकमा विरोध गरिरहेका  महिलामाथि डोजर चलाउने ड्राइभरलाई पुर्पक्षका लागि थुनामा पठाइएको छ।  जिल्ला अदालत बैतडीका न्यायाधीश  ईश्वरीप्रसाद भण्डारीको एकल इजलासले आइतबार डोजर ड्राइभर किशोर बोहरालाई थुनामा पठाउन आदेश दिएको हो।

बोहरालाई महिलामाथि डोजर चलाउन उक्साउने डोजर मालिक भानी जोशी, स्थानीय भोजराज जोशी र धर्मानन्द जोशीसँग ५०/५० हजार रुपैयाँ धरौटी मागिएको छ। तीनै जना धरौटी बुझाएर रिहा भएका छन्।

भएको के थियो ?

कात्तिक ४ गते शरथचन्द नगरपालिका-९ ग्वाल्लेकमा सडक खन्ने क्रममा विवाद भएपछि स्थानीयले ढुंगामुढा गरेका थिए। मानिसहरू डोजरका अगाडि कराएका थिए।

विवाद चलिरहेकै बेला सडक खनिरहेको डोजरले एक महिलालाई ठक्कर दिएर कान्लामुनि हुत्याइदिन्छ। स्थानीय गौरी जोशी घाइते भइन्।

सडक खन्ने क्रममा भएको यो अमानवीय व्यवहारलाई लिएर सामाजिक सञ्जालमा विरोध भएको थियो। घटनाको भिडिओ भाइरल भएपछि स्थानीय प्रशासनले डोजर चालक सोही नगरपालिका वडानम्बर –२ देहीमाण्डौका किशोर बोहरालाई पक्राउ गरेको थियो।

सम्बन्धित समाचार

एनसेल प्रकरणमा प्रतिक्रियावादीहरुले दुस्प्रचार गरे : प्रधानमन्त्री प्रचण्ड

नेपालमा लगानीको वातावरण बनाउन सरकार प्रतिबद्ध छ : अर्थमन्त्री महत

रूसी सेनामा २०० भन्दा बढी नेपाली भर्ती भएको प्रधानमन्त्रीको भनाइ

कोप–२८ ले आवश्यक ऊर्जा उत्सर्जन कटौतीको केवल ३० प्रतिशत पूरा…