लमही जेसिसको ट्राफिक कार्यक्रम

दाङ्ग,  लमही जेसिसको सप्ताह ब्यापी कार्यक्रम अन्तर्गतको अन्तिम दिन आज शुक्रबार लमहीमा ट्राफिक सचेतना कार्यक्रम सम्पन्न भएको छ ।

सवारी दुर्घटना दिनहु जसो भैरहने हुंदा सवारी चालकहरुको लागि यस प्रकारको कार्यक्रमको आयोजना गरिएको लमही जेसिजका अध्यक्ष शिब शंकर गुप्ताले बताए ।

दिनहुं जसो हुने दुर्घटनाले समाजमा नकारात्मक असर पुगेकोले अब हामी पनि आफै सचेत बन्नु पर्छ भन्ने संदेश दिएका छौ अध्यक्ष गुप्ताले भने ।

लमहीमा रहेको जेसिजले हरेक बर्ष सामाजिक उत्तरदायित्व कार्यक्रम गर्दै आएको छ । आज शुक्रवार लमही जेसिजले आयोजना गरेको ट्राफिक कार्यक्रममा अस्थायी ट्राफिक प्रहरी कार्यालय लमहीका प्रमुख मोहन कुमार चन्दले प्रशिक्षण दिएका छन् ।

लमही जेसिसका अध्यक्ष शिब शँकर गुप्ताको अध्यक्षता एबम् अस्थायी ट्राफिक प्रहरी कार्यालय लमहीका प्रमुख मोहन कुमार चन्दको प्रमुख आतिथ्यमा सम्पन्न कार्यक्रममा जेसिसका सचिब, देउखुरी मोबाईल संघका अध्यक्ष, सफल ब्यबसायी तथा देउखुरी पब्लिक बोर्डिंग स्कुलका लगानी कर्ता भिम भुषाल, उपाध्यक्ष सपना पाण्डे, उमाकान्त चौधरी, हरी बहादुर कुँवर, बिमल नेपाली लगायतले मन्तब्य राखेका थिए ।

जेसी किसन भट्टराईको स्वागत मन्तब्य बाट शुरु भएको कार्यक्रमको सञ्चालन जेसी फणाधर ढकालले गरेका थिए ।

सम्बन्धित समाचार

दश वर्ष मलेसिया बसेका सितल लोकल कुखुरा पाल्दै

औषधि व्यवसायी संघद्वारा राहत बितरण

दिवा सपना नदेख्न कम्युनिष्ट सरकारलाई कांग्रेसको चेतावनी

कन्चन गिरफ्तारी विरुद्ध तुल्सिपुरमा बिरोध र्‍याली