Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रदेश खबरप्रदेश ५मुआब्जा वितरणमा राज्यको विभेद

मुआब्जा वितरणमा राज्यको विभेद


दाङ्ग, लमही नगरपालिका वडा न ४ सेमरवाका जग्गाधनीले राज्यले आफुहरुलाई मुआब्जा वितरणमा विभेद गरेको गुनासो गरेका छन् ।

आफुहरुसंगै सटेका जग्गाधनीलाई १५ सय प्रति वर्गमिटर र आफुहरुलाई १ सयका दरले दिएको स्थानिय प्रेमलाल चौधरीले बताए । सेमरवाका स्थानीयले आफुहरुलाई राज्यले ठगेको भन्दै मुआब्जा लिन समेत मानेका छैनन् ।

राज्यले हामीलाई पाउने मुआब्जाको दर रेट मात्र तोकी दिए पनि खुशी हुन्थ्यौ स्थानिय प्रेमलाल चौधरीले भने । यदि हाम्रो जग्गाको मुआब्जा अर्को गाउका जग्गाधनीलाई दिएको बराबर भएन भने हामीले सेमरवा गाउको बाटो कुनै हालतमा बन्न दिदैनौ चौधरीले भने ।

सेमरवाबासीको मागलाई मध्यनजर गर्दै आज बिहिवार नेपाली कांग्रेस दाङ्ग क्षेत्र नम्बर १ का क्षेत्रीय सभापति भेषराज पाण्डेको नेतृत्वको टोलीले लमही नगरपालिका वडा नम्बर ४ सेमरवाका जग्गाधनीलाई न्यायोचित तरिकाले मुआब्जा वितरण नभएको भन्दै दाङ्गका प्रमुख जिल्ला अधिकारी गोबिन्द प्रसाद रिजाललाई भेटेर गम्भीर ध्यानाकर्षण गराएको छ ।

सेमरवाका जग्गाधनीलाई मुआब्जा वितरणमा राज्यले अन्याय गरेकोले नेपाली काङ्ग्रेसको तर्फबाट उनीहरुलाई न्याय हुने गरि मुआब्जा वितरण गराउने पहल गरिरहेको क्षेत्रीय सभापति पाण्डेले बताए ।

पूर्व सभासद योगेन्द्र चौधरी, महासमिति सदस्य जानकीलाल बस्नेत,स्थानिय देशुराम चौधरी,कुसुम चौधरी र प्रेमलाल चौधरी लगायतले प्रमुख जिल्ला अधिकारी रिजाललाई भेटेर ध्यानाकर्षण सहितको पत्र बुझाएको नेपाली कांग्रेस दाङ्ग क्षेत्र नम्बर १ का क्षेत्रीय सभापति भेषराज पाण्डेले बताए ।


क्याटेगोरी : समाचार, प्रदेश ५
ट्याग : #breaking

तपाईको प्रतिक्रिया दिनुहोस