रेल दुर्घटनामा पन्ध्रको मृत्यु

काठमाण्डौ, बंगलादेशमा रेल दुर्घटनामा कम्तिमा १५ जनाको ज्यान गएको छ । उक्त दुर्घटनामा ५० जनाभन्दा बढी घाइते भएका छन् ।

यो दुर्घटना मंगलवार बिहान बंगलादेशको ब्राम्हणबाडिँया जिल्लामा भएको हो । दुईवटा यात्रुवाहक रेल एकआपसमा ठोक्किएका हुन् । दुर्घटनामा दुवै रेल पूर्ण रुपमा क्षतिग्रस्त भएका छन् ।

यतिबेला भने बंगलादेशका रास्ट्रपति नेपाल भ्रमणमा छन् । बंगलादेशका राष्ट्रपति अब्दुल हामिद र प्रधानमन्त्री शेख हसिना वाजेदले दुर्घटना र यात्रुको मृत्युपछि शोक व्यक्त गरेका छन् ।

घाइतेमध्ये २८ जनाको अवस्था गम्भीर रहेको त्यहाको संचारमाध्यमले जनाएका छन् । चटगाउँका लागि छुटेको रेल र राजधानी ढाका जाँदै गरेको रेल स्थानीय समयअनुसार बिहान सवा २ बजेतिर दुर्घटनामा परेका हुन् ।

सम्बन्धित समाचार

२० वर्ष पुगेर विवाह गर्ने किशोरीलाई वडाले पैसा दिने

कतार व्यवसायी संघको ऎतिहासिक सफलता, कतारका व्यवसायीलाई श्रम स्वीकृती नचाहिँने

विद्यार्थीको आन्दोलन चर्किएपछि धनगढीमा २४ घण्टे निषेधाज्ञा जारी

अतिक्रमण गरेर बनाइएका संरचना ३५ दिनभित्र हटाऊन उपत्यका विकास प्राधिकरणको…