बाँकेमा भारतीय प्रधानमन्त्रीको पुत्ला दहन

बाँके, भारतले सार्बजनिक गरेको नयाँ नक्सामा कालापानी क्षेत्र समेटिएको विरोधमा कोहलपुरमा भारतीय प्रधानमन्त्री नरेन्द्र मोदीको पुत्ला जलाईएको छ ।

‘गो ब्याक इन्डिया’ को नारा लगाउँदै बजार परिक्रमा गरेका अनेरास्ववियुका विद्यार्थीहरुले बागेश्वरी क्याम्पस नजिकै पुगेर भारतीय बिस्तारवाद मुर्दावाद, नरेन्द्र मोदी मुर्दावाद’ को नारा लगाउँदै विद्यार्थीहरुले पुत्ला जलाएका छन् ।

अनेरास्ववियुका नेता राजेन्द्र विष्ट, मोहित शर्मा, हेमन्त भट्टराईले भारतले तत्काल नक्सा नसच्याए कडा आन्दोलन गर्ने चेतावनी दिए ।

भारतले नयाँ नक्सामा कालापानी, लिपुलेख, लिम्पियाधुरा आफ्नो देशमा देखाएपछि नेपालमा त्यसको चर्को विरोध भइरहेको छ । कालापानी, लिपुलेख, लिम्पियाधुरा नेपालमा पर्छ ।

युवा संघ बाँकेका अध्यक्ष किशोर थापाले बिहीबार नै बैठक बसेर आन्दोलनको कार्यक्रम सार्वजनिक गर्ने जानकारी दिए ।

सम्बन्धित समाचार

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा

प्रवासी भुजेल समाज कतारको आठाै महाधिवेशन सप्पन्न