कपिलबस्तुमा प्रशासनले लगाएको कर्फ्यु आजबाट हट्यो

दीप संञ्चार कात्तिक १६, २०७६ गते १०:३५ मा प्रकाशित

काठमाण्डौ, प्रशासनले लगाएको कर्फ्यु हाते पछी कपिलबस्तुको जनजीबन सामान्य बन्दै गएको छ । जिल्ला प्रशासन कार्यालय कपिलवस्तुले बिहीबार देखि लगाएको कर्फ्यु आजदेखि हटाएको छ । केहि दिन अघि मूर्ति विर्सजनलाई लिएर हिंसा उत्पन्न भएपछि जिल्ला प्रशासन कार्यालय कपिलबस्तुले कृष्णनगरमा कर्फ्यु जारी गरेको थियो ।

कर्फ्यूको अवज्ञा गर्दा प्रहरीको गोलि लागेर भारत घर भै नेपालमा ब्यबसायी गर्ने सुरज कुमार पाण्डेको मृत्यु भएपछि त्यहाँको स्थिति तनावपूर्ण भएको थियो ।

प्रमुख जिल्ला अधिकारीले सुचना जारी गर्दे जिल्लाको शान्ती सुरक्षा सामान्य रहेको र शनिबार बिहान ६ बजेदेखि लागूहुने गरि कर्फ्युको आदेश फिर्ता लिएको बताए।

क्याटेगोरी : समाचार, प्रदेश ५