सुन प्रकरण : कृष्णबहादुर महरा हाजिर जमानीमा रिहा

काठमाडौँ। पूर्वसभामुख तथा नेकपा (माओवादी केन्द्र)का उपाध्यक्ष कृष्णबहादुर महरा अपराध अनुसन्धान ब्युरोमा हाजिर जमानीमा रिहा भएका छन् ।

इलेक्ट्रिक चुरोट ‘भेप’मा लुकाएर ल्याएको सुनबारे अनुसन्धान गर्न प्रहरीले चैत ५ मा उनलाई रुपन्देहीबाट पक्राउ गरेको थियो ।

उनलाई सुन तस्करी छानबिन आयोगले कानुनी कारबाही गर्न सिफारिस गरेपछि यसअघि भैरहवाबाट पक्राउ गरिएको थियो । यसअघि जिल्ला अदालत काठमाडौंले महरालाई थप अनुसन्धानका लागि चार दिन हिरासतमा राख्न अनुमति दिएको थियो ।

तर, उनको स्वास्थ्य अवस्थाका कारण महरालाई नर्भिक अस्पतालमा भर्ना गर्न सिआइबीले अस्पतालमै रहन निर्देशन दिएको थियो ।

पक्राउ परेपछि महराले सरकारी वकिलको कार्यालयमा बयान दिँदै सुन तस्करी मुद्दामा आफ्नो संलग्नता नरहेको दोहोर्‍याएका छन् ।

सिआइबी र सरकारी वकिलको कार्यालयले सुन तस्करी प्रकरणमा महराको संलग्नताबारे बयान लिने निष्कर्ष निकाल्दै महरालाई रिहा गर्ने निर्णय गरेको हो ।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै