रोटाभेटरमा बेरिएर एकको मृत्यु

दीप संञ्चार कात्तिक १४, २०७६ गते १५:५० मा प्रकाशित

दाङ्ग, देउखुरीमा खेत जोत्ने क्रममा ट्याक्टरको रोटाभेटरमा बेरिएर एक जनाको ज्यान गएको छ । लमही नगर पालिका वडा न २ रनियांपुर निवासी ३४ बर्षिय राम प्रकाश चौधरीको रोटाभेटेरमा पर्दा काटिएर ज्यान गएको हो ।

मृतक चौधरीका भाइ रमेश चौधरीले जोतिरहेको अबस्थामा दाइ कसरी टेक्टरमा आए भन्ने समेत थाह नभएको बताए । दाइ कति बेला आए कति बेला टेक्टरको पछाडी जोडिएको रोटाभेटरमा बस्न पुगे मलाई केहि थाह भएन जब टेक्टरमा केही अड्किएको जस्तो आवाज आयो अनि रोकेर हेर्दा त दाइ काटिएको देखे चौधरीले भने ।

घटना घटे लगत्तै वडा प्रहरी कार्यालय बाट प्रहरी नायब निरीक्षक पुराण मल्लको टोली घटनास्थल पुगेर अनुशन्धान थालेको छ । प्रहरीले टेक्टर चालक र टेक्टरलाई नियन्त्रणमा लिएको छ । मृतकका श्रीमती, आमा लगायत घर परिवार अचेत भएका छन् उनीहरुको लमही अस्पतालमा उपचार भैरहेको प्रहरी नायब निरीक्षक मल्लले बताए ।

क्याटेगोरी : समाचार, प्रदेश ५
ट्याग : #breaking