बलात्कार आरोपमा दुई बिद्यार्थी नेता पक्राउ

काठमाण्डौं, सत्तारुढ नेपाल कम्युनिस्ट पार्टी (नेकपा) को युवा संघ र कांग्रेसको विद्यार्थी संगठनका एक-एक जना नेतालाई बलात्कार आरोपमा प्रहरीले पक्राउ गरेको छ ।

पक्राउ पर्नेमा दाङका सन्देश शर्मा पोखरेल र नुवाकोटका ज्ञानेन्द्र गजुरेल रहेका छन् । महानगरीय प्रहरी परिसर, जावलाखेलले दुवै जनालाई यहि कात्तिक ३ गते पक्राउ गरेको हो ।

ललितपुर प्रहरीका डीएसपी सन्तोष तामाङका अनुसार पोखरेलले आफू पूर्वएमालेको युवा संघको उद्योग तथा समृद्धि विभागको सदस्य भएको बताएका छन् भने गजुरेलले नेविसंघको पूर्वकेन्द्रीय सदस्य र हाल कांग्रेस नुवाकोट जिल्ला सदस्य भएको बयान दिएका छन् ।

दुवै जनाले मिलेर असोज २९ मा ललितपुरमा १९ वर्षीय युवतीमाथि बलात्कार गरेको अभियोग छ । जिल्ला अदालत, ललितपुरबाट जबरजस्ती करणी मुद्दामा म्याद थप गरेर अनुसन्धान भइरहेको तामाङले बताए ।

सम्बन्धित समाचार

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा

प्रवासी भुजेल समाज कतारको आठाै महाधिवेशन सप्पन्न