रामेछापमा खुकुरी हानाहान ६ घाइते

दीप संञ्चार कात्तिक १३, २०७६ गते १३:११ मा प्रकाशित

रामेछाप – रामेछापको गोकुलगंगामा पिङको विषयमा भएको विवादले उग्र रुप लिदा दुई समूहबिच खुकुरी हानाहान भएको छ । जिल्लाको गोकुलगंगा–६ फर्पुमा मंगलबार राति स्थानीय युवाहरुबिच झडप भएको हो ।

घटनामा ६ जना घाइते भएका छन् । घाइते हुनेहरुमा सुशील तामाङ, धनबहादुर तामाङ, पदमबहादुर तामाङ, गोविन्दबहादुर तामाङ, सोमबहादुर गोलेलगायत रहेका छन् । उनीहरुको सदरमुकाम मन्थलीस्थित रामेछाप सामुदायिक अस्पतालमा उपचार भइरहेको जिल्ला प्रहरी कार्यालय रामेछापले जनाएको छ ।

तिहार मनाउन घर आएका युवाहरुबीच मंगलबार दिउँसो पिङ खेल्ने क्रममा विवाद भएको थियो । दिउँसोको विषयलाई लिएर राति पनि विवाद बढेपछि खुकुरी हानाहान भएको हो ।

क्याटेगोरी : समाचार