दाङको लमहीमा “सरायँ नाच तथा खड्ग जात्रा”

दाङ्ग, दाङको लमहीमा सरायँ नाच तथा खड्ग जात्रा निकालिएको छ । प्रत्येक वर्ष झै परम्परागत रुपमा मनाउने गरिएको सरायँ नाच तथा खड्ग जात्रा यस वर्ष पनि दाङको लमहीमा निकालिएको हो ।

पन्ध्रौं कोजाग्रत पूर्णिामाको दिन दाङ सहित देशैभर सरायँ नाच तथा खड्ग जात्रा निकालिएको हो । यस्तै २०६८ साल कालिका भगवती मन्दिरको स्थापना भएदेखि परम्परागत रुपमा मनाउने गरिएको सरायँ नाच तथा खड्ग जात्रा यस वर्ष पनि किालिएको कालिका मन्दिर व्यवस्थापन समितिका अध्यक्ष हेमन्त प्रसाद पाण्डेले बताएका छन् । लमही नगरपालिका वडा नम्बर ५ रातो डाँडा स्थित कालिका भगवती मन्दिरमा पुजापाठ गरेर हातमा आलम, खुडा, फूलपातीलिई बजार परिक्रमा गर्दै सरायँ नाच तथा खड्ग जात्रा निकालिएको हो ।

यो नाच सबैभन्दा बढि अर्घाखाँची र गुल्मि जिल्लामा सरायँ नाच र खड्ग जात्रा निकालिने गरेको अध्यक्ष पाण्डेले बताए । विशेषगरी सरायँ नाच तथा खड्ग जात्रामा आलम, खुडा, तरवार लगायतका हातहतियारको शक्ति प्रदर्शन गर्ने गरिन्छ । सरायँ नाच, खड्ग जात्रा र शक्तिपिठमा हेर्नकै लागि गाउँ घरबाट बसाईसराइ सरेकाहरु समेत केहि दिनको लागि आफ्नो घर फर्कने गरेको कालिका मन्दिर व्यवस्थापन समितिका कोषाध्यक्ष विष्णु गैरेले बताए ।

सरायँ नाचको प्रचारप्रसार गर्न सकेमा धार्मिक शक्तिपिठको थप विकासमा सहयोग पुग्ने र हाम्रो पहिचान बोकेको सँस्कृतिको प्रचार हुने उनको भनाइ छ । सरायँ नाच तथा खड्ग जात्रा दाङ सहित देउखुरीको लमही, पिपरी, सिसहनिया, भावुवाङमा निकालिएको छ । यस्तै मन्दिरहरुमा बोका बलि दिने प्रचलन समेत रहेको छ ।

सम्बन्धित समाचार

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…

नेपाल र चीनबीच  सूचना प्रविधिको क्षेत्रमा  सहकार्य बढाउन जोड