कृषकलाई अनुदानमा उन्नत जातको तोरी र मसुरो विउ वितरण

शिबु खनाल
दाङ्ग असोज २४
दाङको लमही नगरपालिका कृषि शाखाले कृषकहरुलाई अनुदानमा तोरी र मसुरोको विउ वितरण गरेको छ । कृषकहरुलाई ५० प्रतिशत अनुदानमा उन्नत जातको तोरी र खजुरा जातको मसुरोको विउ वितरण गरेको लमही नगरपालिका कृषि विकास शाखा कार्यालयले जनाएको छ । नगरपालिकाको आर्थिक वर्ष ०७६÷०७७ स्वीकृत बार्षिक बालिविकास कार्यक्रमको एकटोल,एक बालि उत्पादन कार्यक्रम अन्तर्गत योजना अनुसार यस वर्ष ५ क्विन्टल उन्नत जातको तोरीको विउ र ५ क्विन्टल खजुरा जातको मसुरोको विउ ५० प्रतिशत अनुदानमा वितरण गरिएको लमही नगरपालिका कृषि विकास शाखा कार्यालयका प्रमुख अमर चौधरीले जानकारी दिए ।

शुक्रवार लमही नगरपालिकाका प्रमुख कुलबहादुर केसी र उप–प्रमुख देबका बेल्वासेले संयुक्त रुपमा लमही नगरपालिका वडा अन्तर्गतका कृषकहरुको माग अनुसार ५ क्विन्टल तोरीको विउ र ५ क्विन्टल मसुरोको विउ ५० प्रतिशत अनुदानमा वितरण गरेका हुन् । यस्तै लमही नगरपालिका कृषि शाखा प्रमुख अमर चौधरीका अनुसार अनुदानमा वितरण सुरु गरेको तोरी र मसुरोको विउहरु लिनका लागि सबै वडा कार्यालयहरुमा सुचना मार्फत कृषकहरुलाई खवर पठाइएको बताए । किसानलाई व्यावसायिक उत्पादनमा प्रोत्साहन गर्न र कृषकहरुलाई खेतीमा आकर्षण गराउन लमही नगरपालिकाले विभिन्न कार्यक्रमहरु अगाडि सारेको लमही नगरपालिका प्रमुख केसीले बताए ।

सम्बन्धित समाचार

मगरहरुको प्रमुख राष्ट्रिय चाड माघ्या सकराटी पर्व कतारमा पनि भब्य…

ठकुरी सहयोग संजाल कतारको आयोजनामा रक्तदान कार्यक्रम हुदै

कतारमा पनि मनाइदै ३०३ औं पृथ्वी जयन्ती

विकासानन्द फाउन्डेसन विश्व परिवारद्वारा कतारमा योग साधना कार्यक्रम हुदै