युवाको जत्थाले आक्रमण गर्दा एक युवाको मृत्यु

दीप संञ्चार असोज २३, २०७६ गते १०:४८ मा प्रकाशित

स्याङ्जा २३ असोज
स्याङ्जामा गएराती एक युवाको कुटपिट बाट हत्या भएको छ । स्याङ्जाको हरिनास गाउँपालिका-५ बलिथुममा गएराति एक युवकको हत्या भएको हो । ६ जनाको समूहमा आएका युवाको आक्रमणबाट अन्दाजी २७ वर्षीय महेन्द्रबहादुर आलेको घटनास्थलमै ज्यान गएको हरिनास गाउँपालिकाका अध्यक्ष खिमनारायण मानन्धरले जानकारी दिए । इलाका प्रहरी कार्यालय चिसापानीबाट राति नै घटनास्थलमा पुगेको प्रहरी टोली र स्थानीयले हत्यामा संलग्नमध्ये पाँचजनालाई पक्राउ गरिसकेको र एकजनाको खोजी कार्य भइरहेको गाउँपालिकाका अध्यक्ष मानन्धरले बताए । उक्त घटना के कति कारणले भएको हो भन्ने बारे खुल्न नसकेको स्याङ्जा प्रहरीले बताएको छ ।

क्याटेगोरी : समाचार