चिनियाँ राष्ट्रपतिको नेपाल भ्रमणको समय तालिका

दीप संञ्चार असोज २२, २०७६ गते १३:३२ मा प्रकाशित

असोज २२ काठमाण्डौ
चिनियाँ राष्ट्रपति सी जीनपिंगको नेपाल भ्रमणको समय तालिका सार्वजनिक भएको छ । मन्त्रालयले बुधबार सार्वजनिक गरेको भ्रमण तालिकाअनुसार राष्ट्रपति सी असोज २५ गते काठमाडौं आउने छन् । उनको भ्रमण दुई दिने रहने मन्त्रालयले जारी गरेको भ्रमण तालिकामा उल्लेख गरिएको छ । चिनियाँ राष्ट्रपति असोज २४ मा भारतको चेन्नई पुग्ने र त्यसपछि असोज १२ मा सीधै काठमाडौं आइपुग्ने कार्यक्रम तय भएको हो । नेपाल र भारत दुवै देशमा एक/एक रात बिताएपछि असोज २६ मा उनी बेइजिङ फर्किनेछन् । सीको नेपाल भ्रमणको बेला नेपाल र चीनबीच केही परियोजनामा सम्झौता गर्ने कार्यक्रम छ ।

नेपाल भ्रमणको क्रममा चिनियाँ राष्ट्रपति सीले राष्ट्रपति विद्यादेवी भण्डारी, प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल र प्रमुख प्रतिपक्षी दलका नेता शेरबहादुर देउवालगायतसँग भेटवार्ता गर्ने कार्यक्रम तय भएको छ । चिनियाँराष्ट्रपति सीलाई स्वागत गर्न राष्ट्रपति विद्यादेवी भण्डारी र प्रधानमन्त्री केपी शर्मा ओली त्रिभुवन अन्तर्राष्ट्रिय विमानस्थल जाने कार्यक्रमसमेत रहेको छ ।

क्याटेगोरी : समाचार