कतारमा नेपाली टिमविच फुटबल प्रतियोगिता हुने

दीप संञ्चार असार २२, २०७९ गते २२:२६ मा प्रकाशित

दोहा – कतारमा नेपाली समुदाय बीच खुल्ला नकआउट फुटबल प्रतियोगिता हुने भएको छ ।

मुस्लिम हरुको महान पर्व बकर–इद (इद–उल–अधा)को शुव अवसरमा आउँदो शुक्रबार जुलाई ७ देखी कतारमा दोस्रो यूवाईएफसी नकआउट नाइन–अ–साइड प्रतियोगिता हुने भएको हो।

कतारको बरवा अल बराह, सनैया ५२ मा हुने प्रतियोगितामा नेपाली भेट्रान टिम कतार र युनाईटेड युथ एफसी कतारको भेट्रान टिम बिच उदघाटन खेल रहेको छ ।

प्रतियोगिताको विजेताले १८०१ रियाल नगद, ट्रफी, मेडल र प्रमाणपत्र प्राप्त गर्नेछन् भने उपविजेताले १२०१ रियाल नगद, ट्रफी, मेडल र प्रमाणपत्र प्राप्त गर्नेछन् ।टोलीको दर्ता शुल्क २५१ रियाल + ५० रियाल तोकिएको छ ।

बिदाको समयमा कतारमा रहेका नेपालीहरुलाई खेलकुद मार्फत मनोरञ्जन तथा स्वास्थ्यमा सुधार ल्याउने उद्देश्यले युनाइटेड युथ क्लबले प्रतियोगिता आयोजना गर्न लागेको हो ।