विद्यार्थी र शिक्षकमा कोरोना पुष्टि भएपछि विद्यालय बन्द

दाङ — दाङको  तुलसीपुर क्षेत्रमा पछिल्लो तीन दिनमा कोरोनाको संख्यामा वृद्धि भएको छ । तुलसीपुरमा तीन दिनको अवधीमा २५ जनामा कोरोना संक्रमण पुष्टि भएको तुलसीपुर उपमहानगरपालिकाका कोरोना फोकल पर्सन बिमल केसीले जानकारी दिए ।

कोरोना फोकल पर्सन केसीका अनुसार मेट्रो अस्पतालमा मंगलबार आरटी एन्टीजेन्ट विधिबाट गरिएको परीक्षणमा आश्वारा माविका थप चार जना शिक्षक र ६ जना विद्यार्थी तथा एक व्यापारी थप ११ जनामा संक्रमण पुष्टि भएको थियो । सोमबारमात्रै यस विद्यालयका विद्यार्थी र शिक्षक गरी ८ जनामा संक्रमण पुष्टि भएको थियो ।

त्यस्तै मंगलबार १०६ जनामा एन्टिजेन्ट परीक्षण गरिएकोमा ११ जनामा संक्रमण पुष्टि भएको हो । शिक्षक र विद्यार्थीमा संक्रमण पुष्टि भएपछि एक हप्ताको लागि अश्वारा माविको पठन पाठन बन्द गरिएको छ । संक्रमित हुनेमा तुलसीपुर उपमहानगरपालिका ६ का २ जना, वडा नम्बर ८ का ४ जना, वडा नम्बर ५ का २ जना, वडा नम्बर ३ का २ जना, वडा नम्बर ७ का १ जना छन् । संक्रमितहरू सबैमा सामान्य लक्षण देखिएको छ ।

२५ जनामा कोरोना संक्रमण पुष्टि भएपनि २ जनालाई अस्पतालमा र अन्य २२ जना होम आइसोलेसनमा रहेको केसीले जानकारी दिए ।

सम्बन्धित समाचार

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…